قوناەۆ قالاسىندا بويجەتكەندٸ ٶلتٸرٸپ كەتتٸ. بۇل تۋرالى مارقۇمنىڭ ەپكەسٸ «نەمولچي» قورىنا جٷگٸنٸپ, كٶمەك سۇراپ وتىر, دەپ حابارلايدى "ۇلت اقپارات" Azattyq Ruhy باسىلىمىنا سٸلتەمە جاساپ.
كٶز جۇمعان بويجەتكەننٸڭ تۋىستارى كٷدٸكتٸلەر جاۋاپكەرشٸلٸكتەن جالتارىپ كەتەدٸ دەپ قورقادى.
«مارقۇمنىڭ ەسٸمٸ جاننۇر, ول نەبەرٸ 18 جاستا بولاتىن, اسپازشى ماماندىعى بويىنشا كوللەدجدە وقىپ جٷرگەن. تۋىستارىنىڭ ايتۋىنشا, ٶلٸمٸنە كٷدٸكتٸ تٶرت ادام – قوناەۆ قالاسىنىڭ تۇرعىندارى. ولاردىڭ جاسى – 18-21 ارالىعىندا. جاننۇر ولاردىڭ بٸرٸمەن جاقىندا, 7 ناۋرىز كٷنٸ تانىسقان. شامامەن 14-15 ناۋرىز ارالىعىندا اياۋسىز سوققىعا جىعىپ, ٶلتٸرٸپ كەتكەن. تۋىستارى كەلتٸرگەن تاعى بٸر مەلٸمەتتە كٷدٸكتٸلەر بويجەتكەننٸڭ تەلەفونى ارقىلى نەسيە الىپ, قالا سىرتىنا شىعارىپ, سويىلمەن ۇرىپ-سوققانى ايتىلادى. سودان كەيٸن باقاناس باعىتىنا قاراي دالادا ٶلۋ ٷشٸن قالدىرىپ كەتكەن. تۋىستارىنا ونىڭ مەيٸتٸ 21 ناۋرىزدا تابىلعانىن حابارلادى», - دەپ جازادى «نەمولچي» قورى.
ٷلكەن ەپكەسٸ ونى مەيٸتحانالاردان ٸزدەگەن. سەبەبٸ قىزدىڭ دەنەسٸ قاي مەيٸتحانادا ەكەنٸن ولارعا ەشكٸم ايتپاعان. مەيٸتٸن تاپقاندا سٸڭلٸسٸنٸڭ دەنەسٸندە ساۋ جەرٸ جوق, ازاپپەن ٶلتٸرٸلگەنٸن, سونداي-اق دەنەسٸندە بٶرتپەلەرٸ بار ەكەنٸن, قولىندا بايلاۋدان قالعان بەلگٸلەر قالعانىن كٶرگەن.
قوناەۆ پوليتسيياسى كٷدٸكتٸلەردٸ ۇستادى. بٸراق تۋىستارىنىڭ ايتۋىنشا, ەكەۋٸ ۇستالىپ, ەكەۋٸ بوستاندىقتا جٷر.
«تۋىستارى مەن قوعام بەلسەندٸلەرٸ قىلمىسكەرلەر جازاسىز قالۋى مٷمكٸن دەپ الاڭداۋشىلىق بٸلدٸرٸپ وتىر. كٷدٸكتٸلەردٸڭ ەكٸ ادۆوكاتى بار, ال مارقۇمنىڭ جاعىندا ەشكٸم جوق», - دەپ جازادى «نەمولچي» قورى.
