سوت جٷيەسٸن تٷبەگەيلٸ قايتا قۇرۋ ٸسٸنە جەنە ونى ساپالى جٷزەگە اسىرۋعا باسا مەن بەرگەن جٶن. بۇل تۋرالى قر سۋديالارىنىڭ VIII سەزٸندە مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«سوتتار تەۋەلسٸزدٸگٸ ٶلشەمٸ بويىنشا بٸز 71-ورىندى يەلەندٸك. ال زاڭ ٷستەمدٸگٸ يندەكسٸ بويىنشا 62-ورىنعا تابان تٸرەدٸك. الايدا احۋالدى تٷبەگەيلٸ ٶزگەرتٸپ, سوتقا دەگەن سەنٸمدٸ ارتتىرۋ ٷشٸن جۇمىستى جالعاستىرا بەرۋٸمٸز كەرەك. بيىلعى جولداۋىمدا قۇقىق قورعاۋ جەنە سوت جٷيەسٸن رەفورمالاۋ قاجەتتٸگٸ تۋرالى ايتتىم. وسىعان وراي مەنٸڭ تاپسىرمام بويىنشا ارناۋلى كوميسسييا قۇرىلىپ, تيٸستٸ جۇمىستار باستالىپ كەتتٸ. بٷگٸن وسى مەسەلەلەرگە توقتالسام دەيمٸن. ەڭ الدىمەن سوت جٷيەسٸندەگٸ ٷدەرٸستەرگە ازامات, كەسٸپكەر, ينۆەستور مٷددەسٸ تۇرعىسىنان قاراۋ كەرەك», - دەدٸ قازاقستان پرەزيدەنتٸ.
مەملەكەت باسشىسى بٸزدٸڭ زاڭدارىمىزدىڭ شەتەلدٸڭ وزىق زاڭدارىنان ايتارلىقتاي ٶزگەشٸلٸگٸ جوق ەكەندٸگٸن باسا ايتتى.
«بار ايىرماشىلىق ونى تٷسٸنۋ جەنە قولدانۋ تەسٸلٸندە. دامىعان مەملەكەتتەر سوت جٷيەسٸن رەفورمالاۋ بارىسىندا باسقارۋ عىلىمىن ۇتىمدى پايدالانادى. وندا ادامي رەسۋرسقا, بيزنەس ٷدەرٸستەردٸڭ قيسىندى بولۋىنا, زاماناۋي تەحنولوگيياعا باسىمدىق بەرٸلەدٸ. بٸر سٶزبەن ايتقاندا, بارلىعى دا ادامعا قولايلى بولۋى ٷشٸن جاسالعان. بٸز سوت سالاسىنداعى رەفورمالاردى بٸرتٸندەپ جٷزەگە اسىرىپ كەلەمٸز. بٸراق ناقتى ٸسكە كەلگەن كەزدە, ەسٸرەسە, ساقتىققا بوي الدىرامىز. تٸپتٸ, ٶكٸلەتتٸك ٷشٸن ٶزارا تالاس جٷرٸپ, يگٸ باستامانىڭ بەرەكەسٸ كەتٸپ قالادى. سونىڭ سالدارىنان ەلەۋلٸ ٶزگەرٸسكە قول جەتكٸزە الماي وتىرمىز. ال ازاماتتارعا, قوعامعا ناقتى نەتيجە كەرەك. بۇل ايقىن نەرسە. سوندىقتان سوت جٷيەسٸن تٷبەگەيلٸ قايتا قۇرۋ ٸسٸنە جەنە ونى ساپالى جٷزەگە اسىرۋعا باسا مەن بەرگەن جٶن», - دەدٸ قاسىم-جومارت توقاەۆ.
