قاراعاندى سوتى بۇرىنعى پرەمەر-مينيستر سەرٸك احمەتوۆتٸڭ باس بوستاندىعىن شەكتەۋ جازاسىنان شارتتى تٷردە بوساتۋ تۋرالى ٶتٸنٸشٸن قاناعاتتاندىرمادى. ەكٸ جىل بۇرىن احمەتوۆتٸڭ تٷرمە جازاسى باس بوستاندىعىن شەكتەۋ جازاسىمەن الماستىرىلعان ەدٸ.
بۇرىنعى شەنەۋنٸك سوت شەشٸمٸمەن كەلٸسكەن جوق, بٸراق پٸكٸرٸن ايتپادى. ونىڭ جازادان تولىق بوساتۋ تۋرالى ٶتٸنٸشٸن قىلمىستىق ٸستەر جٶنٸندەگٸ قازىبەك اۋداندىق سوتىنىڭ سۋدياسى مانات جۇماقاەۆا قارادى.
پروكۋرور ەسەم تەرگەۋبەكوۆا بٷگٸن تاڭەرتەڭ سوتتا "ونىڭ تولىق تٷزەلٸپ شىققانىن دەلەلدەيتٸن قاجەتتٸ دەرەك جوق" دەپ احمەتوۆتٸڭ ٶتٸنٸشٸن قاناعاتتاندىرماۋدى سۇراعان ەدٸ. ال قورعاۋ تارابى احمەتوۆتٸڭ شىعىندى تولىق ٶتەگەنٸن, مەرزٸمٸنەن بۇرىن بوساپ شىعۋعا قاجەتتٸ بارلىق شارتتار ورىندالعانىن ايتقان.
بٷگٸن سوت وتىرىسىنىڭ باسىندا سەرٸك احمەتوۆ جۋرناليستەرگە جىلى شىراي تانىتىپ, سوت وتىرىسى بارىسىندا قالجىڭ دا ايتىپ قالدى. بٸراق سوت ٷكٸمٸ شىققان سوڭ پٸكٸر ايتپاي, سوت زالىنان شىعۋعا اسىقتى. كٶشەدە ونى كٶلٸك كٷتٸپ تۇردى. ول سوتقا جۋرناليستەردٸڭ قاتىسۋىنا قارسى بولعان جوق. احمەتوۆتٸ قولداۋ ٷشٸن وتىرىسقا ونىڭ تۋىسى دا قاتىستى. جۋرناليستەردٸڭ "ينتەرنەت قولدانۋشىلاردىڭ پٸكٸرٸن وقيسىز با?" دەگەن سۇراعىنا احمەتوۆ "ٷنەمٸ وقي بەرمەيمٸن" دەپ جاۋاپ بەردٸ.
قازاقستاننىڭ بۇرىنعى پرەمەر-مينيسترٸ جەنە ەلدٸڭ بۇرىنعى قورعانىس مينيسترٸ سەرٸك احمەتوۆ 2015 جىلعى جەلتوقساندا "زاڭسىز كەسٸپكەرلٸكپەن اينالىستى" جەنە "ٶكٸلەتٸن اسىرا قولداندى" دەپ ايىپتالىپ, 10 جىلعا سوتتالعان. احمەتوۆ سوت بارىسىندا ٶزٸنە تاعىلعان ايىپتاردى جوققا شىعارعان. سوت ونىڭ دٷنيە-مٷلكٸن تەركٸلەپ, بەس جىل مەملەكەتتٸك قىزمەتپەن اينالىسۋىنا تىيىم سالعان.
2016 جىلى ناۋرىزدا اپەللياتسييالىق ينستانتسييا سەرٸك احمەتوۆتٸڭ جازاسىن 10 جىلدان 8 جىلعا ازايتقان. 2017 جىلى قاڭتار ايىندا ونىڭ جازاسىنىڭ ٶتەلمەگەن مەرزٸمٸنٸڭ تٶرتتەن بٸرٸ قازاقستان تەۋەلسٸزدٸگٸنٸڭ 25 جىلدىعىنا وراي جارييالانعان راقىمشىلىق بويىنشا ازايتىلعان.
تٷرمە جازاسى باس بوستاندىعىن شەكتەۋ جازاسىمەن الماستىرىلعان سەرٸك احمەتوۆ ەكٸ جىلعا جۋىق تٷرمەدە قاماۋدا وتىرىپ, 2017 جىلى 21 قىركٷيەكتە بوستاندىققا شىقتى.
2015 جىلى ونىمەن بٸرگە بٸرقاتار جوعارى لاۋازىمدى قىزمەت اتقارعان شەنەۋنٸكتەر دە سوتتالدى. بۇل ٸس بويىنشا نەگٸزگٸ ايىپتالۋشىلار تٷرمە جازاسىن الدى, بٸراق كەيٸنٸرەك جازاسى جۇمسارتىلدى.
