ەلدەگٸ سوت ساراپتامالىق نىسانداردىڭ ماتەريالدىق-تەحنيكالىق بازاسىن نىعايتۋ ٷشٸن 31 ملرد تەڭگە قاجەت. ەدٸلەت مينيسترلٸگٸنٸڭ كەڭەيتٸلگەن القا مەجٸلٸسٸندە وسىنداي پروبلەما كٶتەرٸلدٸ, دەپ حابارلايدى قازاقپارات.
مينيستر قانات مۋسين جيىنعا قاتىسۋشىلاردان سوت ساراپتامالىق قىزمەتتٸڭ ساپاسىن كٶتەرۋگە نە كەدەرگٸ بولىپ وتىرعانىن سۇرادى.
مامانداردىڭ ايتۋىنشا, نەگٸزگٸ پروبلەما ماتەريالدىق-تەحنيكالىق بازاعا تٸرەلٸپ تۇر.
«قازٸرگٸ تاڭدا نۇر-سۇلتان قالاسىندا سوت ساراپتاما ورتالىعىنىڭ قۇرىلىسى اياقتالدى. بۇل كەيٸنگٸ 10 جىلداعى ەڭ ٸرٸ جوبا دەۋگە بولادى. قازاقستان بويىنشا دەل وسىنداي سوت ساراپتاماسىنىڭ عيماراتى بولىپ كٶرگەن جوق. كەلەسٸ جىلى, ودان كەيٸنگٸ جىلدارى دا پارلامەنت پەن قارجى مينيسترلٸگٸ بٸزدٸڭ وسى استاناداعى سيياقتى عيمارتتاردى باسقا قالالاردا سالۋ تۋرالى ۇسىنىستارىمىزدى قولدايدى دەپ ٷمٸتتەنەمٸز.
سونداي-اق كٷردەلٸ سوت ساراپتامالارىن ٶتكٸزۋگە قاجەتتٸ جاڭا, زاماناۋي قوندىرعىلار ساتىپ الساق دەگەن ويىمىز بار. مىسالى, داكتيلوسكوپييالىق-گەنومدىق ساراپتاما جٷرگٸزۋگە, مولەكۋليارلىق-گەنەتيكالىق زەرتحانا جۇمىستارىن جٷرگٸزۋگە ارنالعان قۇرىلعىلار كەرەك», - دەدٸ ۆيتسە-مينيسترٸ ازامات ەمٸرعاليەۆ.
ونىڭ ايتۋىنشا, ەلەمدە سوت ساراپاتاماسىنىڭ تەسٸلدەرٸ جىلدام دامىپ جاتىر. سول ٷشٸن جىل سايىن قوندىرعىلار مەن قۇرالداردى جاڭالاپ وتىرۋعا بيۋدجەتتەن 1,5 ملرد تەڭگە سۇراپ جٷر.
سوت ساراپتامالار ورتالىعى ديرەكتورىنىڭ مٸندەتٸن اتقارۋشى راحمەتوللا نۇعمانوۆتىڭ ايتۋىنشا, ساراپتاما ٶندٸرٸسٸندە قولدانىلاتىن قۇرالداردىڭ باسىم بٶلٸگٸ توزعان. ەڭ جاڭا دەگەندەرٸنٸڭ ٶزٸنە 5 جىل بۇرىن الىنعان.
«جالپى ماتەريالدىق-تەحنيكالىق بازا بويىنشا قاجەتتٸ قۇرالدارعا 31 ملرد تەڭگە كەرەك بولىپ تۇر. بالانسىمىزدا 19,2 ملرد تەڭگەنٸڭ مٷلٸگٸ بار. سونىڭ ٸشٸندە 9 ملرد تەڭگەنٸڭ مٷلٸگٸ ٶندٸرٸسكە تٸكەلەي قاتىستى. بۇل 9 ملرد تەڭگەلٸك بازانىڭ 68 پايىزى توزعان. تەك 32 پايىزى قالدى. سوندا 6,5-7 ملرد تەڭگە قازٸردٸڭ ٶزٸندە قاجەت دەگەن سٶز. سوڭعى العان قوندىرعىمىزدىڭ ٶزٸ 2016 جىلى شىققان. ونىڭ الدىنداعىلارى تٸپتٸ 2007 جىلدارى الىنعان», - دەدٸ مامان.
