بارشاڭىزعا مەلٸم, سوتتار قاشىقتىقتان جۇمىس ٸستەۋدە. بۇعان جوعارعى سوتتىڭ تسيفرلىق تەحنولوگييانى قارقىندى ەنگٸزۋٸ مٷمكٸندٸك بەردٸ.
بۇل ەل ازاماتتارى ٷشٸن تيٸمدٸ ەرٸ پايدالى بولا تٷسۋدە. نەگە?
بٸرٸنشٸدەن, قازٸر كٶپشٸلٸك ٷيلەرٸندە. سوندىقتان ازاماتتار قانداي ٶتٸنٸش بولسىن, سوتقا ەلەكتروندى تٷردە بەرۋدٸ جٶن كٶرەدٸ.
ەكٸنشٸدەن, قاعازباستىلىقتان ارىلۋعا جاقسى سەبەپ. قاراجات شىعىندامايدى. ۋاقىت ٷنەمدەيدٸ.
ٷشٸنشٸدەن, سوتقا قاتىستى بارلىق شارۋانى دا ەلەكتروندى تٷردە بٸتٸرۋگە مٷمكٸندٸك مول.
جوعارعى سوت جانىنداعى سوتتاردىڭ قىزمەتٸن قامتاماسىز ەتۋ دەپارتامەنتٸنٸڭ باسشىسى نايل احمەتزاكيروۆ: "بٸز كارانتين كەزٸندە دە ەل ازاماتتارىنىڭ كونستيتۋتسييالىق قۇقىقتارىن سوتتار ارقىلى قورعاۋ ٷشٸن IT-تەحنولوگييانى كەڭٸنەن قولدانۋدامىز. رەسپۋبليكا سوتتارىندا تسيفرلاندىرۋ ٸسٸ ناقتى جٷرۋدە. مىسالى, ازاماتتىق ٸستەردٸڭ 91 پايىزى ەلەكتروندى تٷردە سوتتارعا كەلٸپ تٷستٸ. سوت اكتٸلەرٸنٸڭ 6,5 ملن.-نان استامى ينتەرنەت جٷيەسٸ ارقىلى قولجەتٸمدٸ", - دەيدٸ نايل احمەتزاكيروۆ.
قازٸر كٶپشٸلٸككە "سوت كابينەتٸ" سەرۆيسٸ كەڭٸنەن تانىمال. مىسالى, «Smart-سوت» جەنە «سوت تٶرەلٸگٸنٸڭ جەتٸ تٷيٸنٸ» باعدارلامالارى اياسىندا «ونلاين-تاتۋلاسۋ», «سوت اكتٸلەرٸنٸڭ زاڭدىلىعىن تەكسەرۋ» جەنە «سوت ٸستەرٸ مەن ماتەريالدارىنىڭ بولۋىن تەكسەرۋ» سەرۆيستەرٸ جۇمىس ٸستەپ تۇر.
«سوت كابينەتٸ» ارقىلى ەلەكتروندى ٶتٸنٸشتەر رەسپۋبليكا سوتتارىنا تٷسەدٸ. بۇل ارقىلى ٶتٸنٸش يەلەرٸ حاتتىڭ تٸركەۋ نٶمٸرٸ, سوت وتىرىسىنىڭ ٶتەتٸن ۋاقىتى, ت.ب. مەلٸمەتتەردٸ قىسقا مەرزٸمدە الادى.
قازٸرگٸ ۋاقىتتا سوتتار جۇمىسى 100 پايىز ەلەكتروندى فورماتقا كٶشٸرٸلگەن. مۇنداي جۇمىستىڭ جاڭا فورماتى دەل قازٸرگٸدەي كارانتين ۋاقىتىندا ٶز تيٸمدٸلٸگٸن كٶرسەتۋدە. بايلانىس ارنالارىنىڭ (TrueConf, Skype, WhatsApp ت.ب.) مٷمكٸندٸكتەرٸ دە ارتۋدا.
قورىتا ايتقاندا, ازاماتتاردىڭ دەنساۋلىعى مەن ٶمٸرٸنە قاۋٸپ تٶنبەس ٷشٸن جەنە كونستيتۋتسييالىق قۇقىعىن قورعاۋ ٷشٸن سوتتار بارلىق جاعدايدى جاساۋدا.
