فوتو: © uralskweek.kz
13 سەۋٸردە قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا 32 جاستاعى رۋسلان قوجانتاەۆ پەن 22 جاستاعى تۇرلان امانگەلدٸگە قاتىستى ٷكٸم شىقتى, - دەپ حابارلايدى Tengrinews.kz سايتى "موي گورودقا" سٸلتەمە جاساپ.
"سوت ٷكٸم ەتتٸ: رۋسلان قوجانتاەۆ قك 99-بابى, 2-بٶلٸگٸ 5-7 تارماقتارى بويىنشا كٸنەلٸ دەپ تابىلسىن جەنە وعان 15 جىل مەرزٸمگە باس بوستاندىعىنان ايىرۋ جازاسى تاعايىندالسىن. تۇرلان امانگەلدٸ قك 99-بابى, 2-بٶلٸگٸ 5-7 تارماقتارى بويىنشا كٸنەلٸ دەپ تابىلسىن جەنە 15 جىلعا باس بوستاندىعىنان ايىرۋ جازاسى تاعايىندالسىن", - دەدٸ ٷكٸمدٸ وقىعان سۋديا.
بۇعان دەيٸن قىلمىستىق ٸستەر جٶنٸندەگٸ مامانداندىرىلعان اۋدانارالىق سوتتا بىلتىر تامىزدا ەلدٸ دٷر سٸلكٸندٸرگەن ورالدىق كەسٸپكەر ەركٸن مۇحانعاليەۆتٸڭ ٶلٸمٸنە قاتىستى سوت وتىرىسى اياقتالعانىن حابارلاعان ەدٸك.
سوڭعى سٶزٸن سٶيلەگەن سوتتالۋشى رۋسلان قوجانتاەۆ مارقۇم رەستوراتوردىڭ تۋىستارىنان كەشٸرٸم سۇرادى.
"مەن كٸنەمدٸ مويىندايمىن, بٸراق الدىن الا سٶز بايلاسۋ بولدى جەنە كٸسٸ ٶلتٸرۋ ەرەكشە قاتىگەزدٸك بولدى دەگەنگە كەلٸسپەيمٸن. ماعان پروكۋرور مەن تەرگەۋشٸنٸڭ تەكسەرگەنٸ ٷشٸن ەمەس, ناقتى ٸستەگەن ٸسٸم ٷشٸن جازا تاعايىنداۋىڭىزدى سۇرايمىن", - دەدٸ ول.
ەكٸنشٸ سوتتالۋشى تۇرلان امانگەلدٸ دە جەبٸرلەنۋشٸلەردەن كەشٸرٸم سۇرادى.
"قازىلار القاسى ەدٸل شەشٸم شىعارادى دەپ سەنەمٸن. مەن مۇحانعاليەۆتٸ ٶلتٸرمەدٸم. بارلىعىنان كەشٸرٸم سۇرايمىن", - دەدٸ سوتتالۋشى قىسقاشا.
ەسكە سالايىق, وقيعا 6 تامىزدا كەشكە بولعان ەدٸ. ەركٸن مۇحانعاليەۆتٸڭ مەيٸتٸ پ.اتويان اتىنداعى ستاديون تۇراعىنان تابىلعان. سونىمەن قاتار, كەسٸپكەرگە كافەدە شابۋىل جاسالعانى بەلگٸلٸ بولدى.
كەيٸنٸرەك كٷدٸكتٸلەردٸڭ جەكە باسى انىقتالدى, ولار - كٸسٸ ٶلتٸرگەننەن كەيٸن وقيعا ورنىنان قاشىپ كەتكەن 31 جاستاعى رۋسلان قوجانتاەۆ پەن 21 جاستاعى تۇرلان امانگەلدٸ.
پوليتسەيلەر ورالدان شىعاتىن جەنە كٸرەتٸن جولداردى تەكسەرگەن, كٷدٸكتٸلەر بارۋى مٷمكٸن دەگەن جەرلەر تەكسەرٸلگەن. قىلمىسكەرلەردٸ ۇستاۋعا كٷش قۇرىلىمدارى جۇمىلدىرىلعان.
ارتىنشا ورالدىق كەسٸپكەردٸ ٶلتٸرگەن سەتتٸڭ ۆيدەوسى تارادى. بەينەجازبادا كەسٸپكەردٸڭ ەكٸ جٸگٸتپەن دەمحانادا قالاي سٶيلەسٸپ جاتقانى كٶرسەتٸلگەن. كەنەت جانجال باستالىپ, جٸگٸتتەردٸڭ بٸرٸ كەسٸپكەردٸڭ مويىن تۇسىنا پىشاق سۇعىپ العان. سودان كەيٸن ول تاعى بٸرنەشە رەت ۇرادى. جاراقات العان مۇحانعاليەۆ تەرەزەدەن شىعىپ ٷلگەرەدٸ, بٸراق ولار قۋىپ جەتٸپ, كٶشەدە تاعى 15 رەت پىشاقتاعان. كەسٸپكەر جەدەل جەردەم كەلگەنشە, قايتىس بولعان. كەيٸن بۇل ٸس بويىنشا كٷدٸكتٸلەر ۇستالعانى حابارلاندى.
