سوت ەرلان بٸلەلعا «قازاقستاننىڭ ەڭبەك سٸڭٸرگەن قايراتكەرٸ» اتاعىن قايتارىپ بەردٸ. بٸراق ەرتٸس سوت مٸندەتتەگەن قوماقتى ايىپپۇلدى ەلٸ تٶلەپ بٸتٸرگەن جوق. ال «سەزام» تەاترىنىڭ ديرەكتورى اپەللياتسييالىق سوتقا قايتا شاعىم تٷسٸرٸپ, مورالدىق شىعىن رەتٸندە ەرلان بٸلەلدان بٸر ميلليون تەڭگە ٶندٸرٸپ بەرۋدٸ تالاپ ەتكەن, دەپ حابارلايدى "ۇلت اقپارات" الماتى تەلەارناسىنا سٸلتەمە جاساپ.
اپەللياتسييالىق سوتقا بۇل جولى دا ەرلان بٸلەل جاۋاپكەر رەتٸندە كەلگەن. «سەزام» تەاترىنىڭ ديرەكتورى قايرات بايانوۆ سوتتان ەرلاننان مورالدٸك شىعىن رەتٸندە بٸر ميلليون تەڭگە ٶندٸرٸپ بەرۋدٸ تالاپ ەتكەن.
بايانوۆ شاعىمدى ٶزٸ ەمەس, ادۆوكاتى جازعانىن ايتسا دا, بٸر ميلليون تەڭگە ٶندٸرۋدٸڭ سەبەبٸن اقىرى سۋدياعا تٷسٸندٸرٸپ, دەلەلدەپ بەرە المادى. پروكۋروردا «سەزام» تەاترىنىڭ ديرەكتورىنىڭ شاعىمىن قاراۋسىز, بۇرىنعى ٷكٸمدٸ كٷشٸندە قالدىرۋدى قولدادى. مورالدىق شىعىن ٶتەۋدەن قۇتىلعان سوڭ ەرتٸس ٶزٸنٸڭ اتاعىن قايتارىپ بەرۋ تۋرالى ٶتٸنٸشٸن دە سۋدياعا جەتكٸزٸپ ٷلگەردٸ.
سۋديا بەكتەمٸروۆا «قۇرمەت وردەنٸن» قايتارۋ ٶتٸنٸشٸن قاراۋسىز قالدىرسا دا, ەرلانعا «قازاقستانىڭ ەڭبەك سٸڭٸرگەن قايراتكەرٸ» اتاعىن قايتارىپ بەردٸ.
«بولعان وقيعاعا اتاق-دەرەجەنٸڭ ەش قاتىسى جوق. ٶيتكەنٸ مەن شىعارماشىلىق ادام رەتٸندە سول قازاقستاننىڭ ەڭبەك سٸڭٸرگەن قايراتكەرٸ اتاعىن العان بولاتىنمىن. ويناعان رٶلدەرٸم ٷشٸن, اكتەر رەتٸندە. سول اتاعىما ەدٸلەتتٸ شەشٸم قابىلداپ, سوتتىڭ شەشٸم قالدىرعانىنا ٷلكەن العىسىمدى بٸلدٸرەمٸن. بەرٸنە تەۋبە دەپ قارايتىن حالىقپىز عوي. "ەر جٸگٸتتٸڭ موينىندا قىل ارقان شٸرٸمەس". كٶتەرەمٸز شاما-شارقىمىز كەلگەنشە», - دەدٸ قازاقستاننىڭ ەڭبەك سٸڭٸرگەن قايراتكەرٸ, ەرتٸس ەرلان بٸلەل.
ەستە بولسا, اقپاننىڭ 7-سٸندە الماتىنىڭ المالى اۋداندىق سوتى ەۋەزوۆ اتىنداعى قازاق مەملەكەتتٸك اكادەمييالىق دراما تەاترىنىڭ بۇرىنعى ديرەكتورىنا «پارا الۋعا ەرەكەتتەنۋ» ايىبىن تاعىپ, وعان 52 ميلليون 500 مىڭ تەڭگە ايىپپۇل سالعان ەدٸ. بٸر عانا جالاقىعا قاراپ وتىرعان ەرتٸس قوماقتى قارجىنى ەلٸ تٶلەپ بٸتٸرە الماعانىن ايتتى.
