شىعىس قازاقستان وبلىسىنىڭ اياگٶز قالاسىنداعى ارنايى ەلەۋمەتتٸك كٶمەك ورتالىعىنداعى تٶرت بالانىڭ ٶلٸمٸنە قاتىستى سوت ٷكٸمٸ شىقتى.
سوت شەشٸمٸ بويىنشا بالالاردىڭ ٶلٸمٸنە ٷش مەديتسينا قىزمەتكەرٸ كٸنەلٸ دەپ تانىلدى, دەپ حابارلايدى "ۇلت اقپارات" اياگٶز اۋداندىق سوتىنىڭ باسپاسٶز قىزمەتٸنە سٸلتەمە جاساپ.
سوتتىڭ باسپاسٶز قىزمەتٸ «مەديتسينا قىزمەتكەرلەرٸنە مٸندەتتەمەلەرٸن ورىنداماعان, وسىنىڭ سالدارىنان بالالار كٶز جۇمعان» دەگەن ايىپ تاعىلعانىن حابارلايدى. ٸس سوتقا پروتسەسسۋالدىق كەلٸسٸممەن جەتكەن. پروكۋرور مەن سوتتالۋشىلار جەبٸرلەنۋشٸنٸڭ كەلٸسٸمٸمەن (بالالار ورتالىعى) پروتسەسسۋالدىق كەلٸسٸمگە كەلگەن.
كەلٸسٸمدٸ نەگٸزگە الا وتىرىپ, پروكۋرور مەديتسينا قىزمەتكەرلەرٸنٸڭ ەكەۋٸنٸڭ 2 جىلعا باس بوستاندىعىن شەكتەۋدٸ, ولارعا 1 جىل بويى مەديتسينالىق جۇمىستى اتقارۋعا تىيىم سالۋدى, ال ٷشٸنشٸ قىزمەتكەردٸڭ 3 جىل 6 ايعا باس بوستاندىعىن شەكتەۋدٸ, وعان 1 جىل 6 اي بويى مەديتسينالىق جۇمىستى اتقارۋعا تىيىم سالۋدى سۇراعان. سوتتا تاراپتاردىڭ بەرٸ دە, ونىڭ ٸشٸندە جەبٸرلەنۋشٸ تاراپ تا وسى كەلٸسٸمدٸ ماقۇلدايتىنىن جەتكٸزدٸ.
سوتتا اتالىپ ٶتكەندەي, قر قىلمىستىق كودەكستٸڭ 317-بابى 3-بٶلٸگٸ اۋىر قىلمىس ساناتىنا جاتپايدى. ال 317-باپتىڭ 4-بٶلٸگٸ اۋىرلىعى ورتاشا قىلمىس ساناتىنا جاتادى. پروكۋرور ۇسىنعان جازا باپتىڭ سانكتسيياسىنا ساي كەلگەن. سوتتالۋشىلار بۇرىن ٸستٸ بولماعان. كەلٸسٸمدە كٶرسەتٸلگەن جازادان اۋىر جازا بەرۋگە بولمايدى. باياندالعان ٸستٸڭ نەگٸزٸندە سوت ايىپتالۋشىلاردى كٸنەلٸ دەپ تانىپ, ولارعا كەلٸسٸمگە سەيكەس جازانى تاعايىندادى. ٷكٸم زاڭدى كٷشٸنە ەنگەن جوق.
ايتا كەتسەك, بۇعان دەيٸن وسى ورتالىقتاعى ون شاقتى بالانىڭ «قىزىلشا» دياگنوزىمەن ينفەكتسييالىق اۋرۋحاناعا تٷسكەنٸ حابارلانعان ەدٸ. اۋرۋحاناعا جەتكٸزٸلگەن بالالاردىڭ تٶرتەۋٸ كٶز جۇمعان ەدٸ.
