قر پرەمەر-مينيسترٸنٸڭ ورىنباسارى رومان سكليار قولدانىستاعى ٶرت-قۇتقارۋ تەحنيكاسى مەن ٶرت-تەحنيكالىق جابدىقتاردى جاڭعىرتۋ شارالارىن قايتا قاراۋعا قاتىستى دەپۋتاتتىق ساۋالعا جاۋاپ بەردٸ, دەپ حابارلايدى قازاقپارات.
«2018-2020 جىلدارعا ارنالعان ازاماتتىق قورعاۋ بٶلٸمشەلەرٸن ماتەريالدىق-تەحنيكالىق جاراقتاندىرۋ تۋرالى» جول كارتاسىنا سەيكەس, جالپى سوماسى 33,4 ملرد تەڭگەگە تٷرلٸ ماقساتتاعى 597 دانا تەحنيكا, 22 مىڭنان استام ٶرت-قۇتقارۋ جابدىقتارى ساتىپ الىندى. 2021-2023 جىلدارعا ارنالعان تيٸستٸ جول كارتاسىندا جالپى سوماسى 47,9 ملرد تەڭگەگە 731 ٶرت-قۇتقارۋ تەحنيكاسىن, 21362 ٶرت-تەحنيكالىق جەنە اپاتتىق-قۇتقارۋ جابدىقتارىن جەنە 9492 ارنايى جابدىق ساتىپ الۋ كٶزدەلگەن», - دەپ جازدى رومان سكليار ٶز جاۋابىندا.
ونىڭ ايتۋىنشا, اتالعان جول كارتاسىن ٸسكە اسىرۋ ٶرت-قۇتقارۋ بٶلٸمشەلەرٸنٸڭ تەحنيكالىق جاراقتانۋ دەڭگەيٸن 18%-عا ارتتىرۋعا مٷمكٸندٸك بەرەدٸ. بيىل جەرگٸلٸكتٸ اتقارۋشى ورگاندار جالپى سوماسى 8,7 ملرد تەڭگەگە تٷرلٸ ماقساتتاعى 192 اۆتوتەحنيكا مەن 1543 جابدىق ساتىپ الۋدى جوسپارلادى.
«رەسپۋبليكالىق بيۋدجەتتٸك كوميسسييا 2022 جىلى رەسپۋبليكالىق بيۋدجەتتەن 39 دانا ٶرت تەحنيكاسىن ساتىپ الۋ ٷشٸن 2,1 ملرد تەڭگە قاراجات بٶلۋدٸ قولدادى. بۇدان باسقا, بيىل 24 قىركٷيەكتە رەفورمالار جٶنٸندەگٸ جوعارى كەڭەس وتىرىسىندا مەملەكەت باسشىسى «قاۋٸپسٸز ەل» ۇلتتىق جوباسىن ماقۇلدادى. سونىڭ شەڭبەرٸندە 2025 جىلعا دەيٸن حالىقتى جەنە اۋماقتاردى تٶتەنشە جاعدايلاردان قورعاۋ, ازاماتتىق قورعاۋ كٷشتەرٸ مەن قۇرالدارىنىڭ دايىندىق دەڭگەيٸن ارتتىرۋ, ونىڭ ٸشٸندە ٶرت دەپولارى مەن ٶرتكە قارسى قۇرىلىمدار قۇرۋ, ەۋە كەمەلەرٸن ساتىپ الۋ, ازاماتتىق قورعانىستىڭ ەسكەري بٶلٸمدەرٸن جاراقتاندىرۋ شارالارى كٶزدەلگەن», - دەدٸ ر. سكليار.
