قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا ەڭبەك كٷشٸ كٶپ وڭتٷستٸك ٶڭٸر تۇرعىندارىنىڭ سولتٷستٸك جەنە شىعىس ايماقتارعا قونىستانۋىنا قولايلى جاعداي جاسالاتىنىن, قانداستار كٶشٸ جانداناتىنىن اتاپ ٶتتٸ, دەپ حابارلايدى قازاقپارات.
«ۋاقىت ۇتتىرماي قولعا الىپ, دەيەكتٸ تٷردە ٸسكە اسىراتىن تاعى بٸر شارۋا بار. حالىقتىڭ قالالىق جەرلەرگە جاپپاي كٶشۋٸ سالدارىنان كٶپتەگەن اۋىلداردا, ەسٸرەسە, شەكارا ماڭىنداعى ەلدٸ-مەكەندەردە تۇرعىندار سانى كٷرت ازايدى. بٸز ەڭبەك كٷشٸ كٶپ وڭتٷستٸك ٶڭٸر تۇرعىندارىنىڭ سولتٷستٸك جەنە شىعىس ايماقتارعا قونىستانۋىنا قولايلى جاعداي جاساپ, وسى جۇمىستى نازاردا ۇستايمىز. بۇل – ٶتە ٶزەكتٸ ەرٸ ەلٸمٸزدٸڭ قاۋٸپسٸزدٸگٸنە قاتىستى مەسەلە. بۇعان قوسا سوڭعى جىلداردا تٷرلٸ سەبەپتەرگە بايلانىستى بەسەڭدەپ قالعان قانداستار كٶشٸن بارىنشا قولداپ, ولاردى جوعارىدا ايتىلعان ٶڭٸرلەرگە ورنالاستىرۋدى جانداندىرامىز.
بۇل ەكٸ مەسەلەنٸڭ دە ستراتەگييالىق ماڭىزى بار. وعان كەزەكتٸ ناۋقان رەتٸندە قاراۋعا بولمايدى. جەرگٸلٸكتٸ بيلٸك مۇنداي جۇمىستاردى جوعارىعا كٶپٸرگەن اقپار بەرۋ ٷشٸن ەمەس, مەملەكەتتٸك مٷددە جەنە اعايىنعا شىنايى جاناشىرلىق تۇرعىسىنان جاساۋعا تيٸس», - دەدٸ پرەزيدەنت.
