سوڭعى 3 جىلدا سىبايلاس جەمقورلىققا قارسى قىزمەت پارا بەرۋ فاكتٸسٸ بويىنشا 1054 قىلمىستى تٸركەدٸ. بۇل تۋرالى AntikorNEWS الاڭىندا سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ايتتى, دەپ حابارلايدى قازاقپارات.
«سوڭعى 3 جىلداعى ديناميكا پارا بەرۋشٸلەرگە قاتىستى قىلمىستاردى تٸركەۋ فاكتٸلەرٸنٸڭ ٶسكەنٸن كٶرسەتٸپ وتىر. مەسەلەن, 2018 جىلى 232 قىلمىس تٸركەلگەن بولسا, 2020 جىلى وسىنداي 480 فاكتٸ, ياعني ەكٸ ەسە كٶپ تٸركەلگەن. پارا بەرۋشٸلەردٸ انىقتاۋدىڭ ارتۋى ادال مەملەكەتتٸك قىزمەتشٸلەردٸڭ ولارعا پارا بەرۋ فاكتٸلەرٸ تۋرالى جيٸ حابارلاۋىن كٶرسەتۋٸ مٷمكٸن», - دەيدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ.
سونداي-اق, ول سوڭعى ٷش جىلدا پارا بەرگەنٸ ٷشٸن 641 ادام سوتتالعانىن ايتتى (2018 جىلى – 198, 2019 جىلى – 187, 2020 جىلى – 256).
«ونىڭ ٸشٸندە 151 ادامعا باس بوستاندىعىنان ايىرۋ جازاسى تاعايىندالسا (2018 جىلى – 52, 2019 جىلى – 37, 2020 جىلى – 62), 413 ادام ايىپپۇل تٶلەدٸ (2018 جىلى – 109, 2019 جىلى – 128, 2020 جىلى – 176), ال 62 ادامعا قاتىستى باس بوستاندىعىن شەكتەۋ شاراسى قولدانىلدى (2018 جىلى – 30, 2019 جىلى – 16, 2020 جىلى – 16). 15 ادامعا شارتتى تٷردە سوتتاۋ, كەيٸنگە قالدىرۋ جەنە تاعى دا باسقا جازا تاعايىندالدى», - دەيدٸ ول.
