تاراز قالاسىنىڭ بۇرىنعى ەكٸمٸ قايرات دوساەۆ Facebook-تەگٸ پاراقشاسىندا قاسىم-جومارت توقاەۆتان ٶزٸن مەملەكەتتٸك قىزمەتكە قايتا قابىلداۋدى ٶتٸندٸ, دەپ حابارلايدى Ulysmedia.kz.
ەسكە سالا كەتەيٸك, قايرات دوساەۆ – ەڭ قىسقا مەرزٸمدٸ تاعايىنداۋ بويىنشا رەكورد ورناتقان ەكس-شەنەۋنٸك. ونىڭ تابيعي رەسۋرستار جەنە تابيعاتتى پايدالانۋدى رەتتەۋ باسقارماسىنىڭ باسشىسى لاۋازىمىنداعى قىزمەتٸ بٸر تەۋلٸككە سوزىلدى. وعان دەيٸن دوساەۆ تاراز قالاسىنىڭ ەكٸمٸ بولعان, بٸراق 2019 جىلعى قاراشادا مەملەكەت باسشىسىنىڭ تاپسىرماسى بويىنشا "جۇمىستاعى جٷيەلٸ ولقىلىقتار ٷشٸن" قىزمەتٸنەن بوساتىلعان. بۇعان مەكتەپ دەرەتحاناسىندا ون ەكٸ جاسار مەكتەپ وقۋشىسىنىڭ زورلانۋى سەبەپ بولدى.
قايرات دوساەۆتىڭ ايتۋىنشا, "مەكتەپ دەرەتحانالارى مەسەلەسٸن شەشۋگە قولى تيمەگەن".
"مەنٸ نەگە ەكٸ رەت جازالادى? اسقار مىرزاحمەتوۆتٸڭ تۇسىندا ەڭبەك ينسپەكتسيياسى باسقارماسىنىڭ باستىعى بولىپ تاعايىندالدىم ەمەس پە? قازٸر مەن ساناتتا جوق ادامعا اينالدىم, بولعان وقيعادان كەيٸن مەنٸ ەشبٸر باسشى جۇمىسقا المايدى", - دەپ اتاپ ٶتتٸ ٶز سٶزٸندە دوساەۆ.
پرەزيدەنتكە ارناعان سٶزٸنٸڭ سوڭىندا دوساەۆ: "مەن ٶز حالقىمنىڭ يگٸلٸگٸ ٷشٸن جۇمىس ٸستەگٸم كەلەدٸ. مەملەكەتتٸك قىزمەتتە ٸستەگەن جىلدارى اتىما, ار-ۇجدانىما كٸر كەلتٸرگەن جوقپىن. مەنٸ تٷسٸنەسٸز دەگەن ويدامىن, پرەزيدەنت مىرزا!
ەگەر سٸز سەنٸم بٸلدٸرسەڭٸز, مەن ەرٸ قاراي دا مەملەكەتكە پايدامدى تيگٸزۋگە دايىنمىن. مەملەكەتتٸك قىزمەتشٸ رەتٸندە مەنٸڭ بولاشاعىم سٸزدٸڭ قولىڭىزدا, ٶيتكەنٸ مەن سٸزگە بەرٸلگەن قاتە اقپاراتتان كەيٸن قىزمەتٸمنەن بوساتىلدىم. ەندٸ سٸزدٸڭ ارالاسۋىڭىزدان كەيٸن عانا مەملەكەتتٸك قىزمەتكە ورالا الامىن. سٸز مەنٸڭ سوڭعى ٷمٸتٸمسٸز, پرەزيدەنت مىرزا!» دەپ جازعان.
