سوڭعى 3 جىلدا شاعىن جەنە ورتا بيزنەس جۇمىسىنا زاڭسىز ارالاسقان 360 لاۋازىمدى تۇلعا سوتتالدى. بۇل تۋرالى ونلاين بريفينگ بارىسىندا قر سىبايلاس جەمقورلىققا قارسى ٸس-قيمىل اگەنتتٸگٸ 1-شٸ دەپارتامەنتٸ باسشىسىنىڭ ورىنباسارى دانييار اقۋان ايتتى, دەپ حابارلايدى قازاقپارات.
«اگەنتتٸك شاعىن جەنە ورتا بيزنەس قىزمەتٸنە مەملەكەتتٸك ورگانداردىڭ زاڭسىزارالاسۋ فاكتٸلەرٸنٸڭ جولىن كەسۋ جۇمىستارىن بەلسەندٸ جٷرگٸزٸپ جاتىر. سوڭعى 3 جىلدا جەنە وسى جىلدىڭ ٶتكەن كەزەڭٸنٸڭ ٸشٸندە بۇل باعىتتا 1 043 فاكتٸسٸنٸڭ جولى كەسٸلٸپ, 724 لاۋازىمدى تۇلعا جاۋاپقا تارتىلسا, ونىڭ 360-ى سوتتالدى», - دەدٸ ول.
ونىڭ اتاپ ٶتۋٸنشە, اگەنتتٸك قابىلدانعان شارالار 1 مىڭنان استام كەسٸپكەردٸڭ قۇقىعىن قورعاۋعا مٷمكٸندٸك بەردٸ. بۇل رەتتە زاڭسىز ەرەكەتتەردٸڭ 786 فاكتٸسٸ پاراقورلىققا, 96-سى الاياقتىققا جەنە 44-ٸ لاۋازىمدىق ٶكٸلەتتٸگٸن اسىرا پايدالانۋعا قاتىستى بولىپ وتىر.
سونىمەن قاتار ول مەملەكەتتٸك ساتىپ الۋ پروتسەدۋراسىن ٶتكٸزۋ بارىسىنداعى جەمقورلىق تەۋەكەلدەردٸڭ تىيىلماي وتىرعاندىعىن باسا ايتتى.
«مەسەلەن, قوستاناي وبلىسىندا وبلىستىق ونكولوگييالىق ديسپانسەردٸڭ باس دەرٸگەرٸ ناۋرىزوۆ پەن ونىڭ ورىنباسارى بٶپەجانوۆ سوتتالدى. ولار زەرتحانالىق زەرتتەۋلەر جٷرگٸزۋگە ارنالعان پرەپاراتتاردى جەتكٸزۋ بويىنشا تٶلەم قۇجاتىنا كەدەرگٸسٸز قول قويعاندارى ٷشٸن جشس ٶكٸلٸنەن 4,4 ملن تەڭگە پارا العان»,- دەدٸ دانييار اقۋان.
