سولتٷستٸك قازاقستان وبلىسىنىڭ ۋەليحانوۆ اۋدانىنداعى قايرات اۋىلىنىڭ تۇرعىندارى ٸرٸ دالا ٶرتٸن ٶز كٷشتەرٸمەن سٶندٸرۋگە مەجبٷر بولعاندارىن مەلٸمدەدٸ, دەپ حابارلايدى Ult.kz, Arasha.kz-كە سٸلتەمە جاساپ.
ەلەۋمەتتٸك جەلٸدە جارييالانعان ۆيدەولاردا اۋىل تۇرعىندارىنىڭ ٶرتتٸڭ تارالۋىنا جول بەرمەۋ ٷشٸن تراكتورمەن قورعانىس جولاعىن جىرتىپ, جالىندى قولدا بار قۇرالدارمەن, ونىڭ ٸشٸندە شٷبەرەكپەن سٶندٸرۋگە تىرىسقانى كٶرٸنەدٸ.
تۇرعىنداردىڭ ايتۋىنشا, اۋىلعا اپاراتىن جولدىڭ ناشارلىعى تٶتەنشە جاعدايلار قىزمەتٸنٸڭ جۇمىسىنا كەدەرگٸ كەلتٸرگەن. سونداي-اق ولار ٶرت بٸرنەشە كٷنگە سوزىلعان اپتاپ ىستىقتان كەيٸن تۇتانعانىن جەتكٸزدٸ.
اۋىل حالقى جالىننىڭ تارالۋىن اۋىلداعى تەحنيكا مەن قاراپايىم قۇرالداردىڭ كٶمەگٸمەن توقتاتۋعا تىرىسقانىن ايتادى.
سونىمەن قاتار تۇرعىندار سولتٷستٸك قازاقستان وبلىسى تٶتەنشە جاعدايلار دەپارتامەنتٸنٸڭ رەسمي پاراقشالارىندا قايرات اۋىلىنداعى جاعداي تۋرالى اقپارات جارييالانباعانىنا نازار اۋداردى. ولاردىڭ سٶزٸنشە, ۆەدومستۆونىڭ ەلەۋمەتتٸك جەلٸدەگٸ پاراقشالارىندا كٶبٸنە بٶلٸمشەنٸڭ قىزمەتٸنە قاتىستى يميدجدٸك ماتەريالدار مەن تانىمدىق بەينەروليكتەر جارييالانىپ كەلەدٸ.
قازٸرگٸ ۋاقىتتا وقيعانىڭ مەن-جايى مەن ٶرتتٸ سٶندٸرۋگە قانداي كٷشتەر مەن تەحنيكانىڭ جۇمىلدىرىلعانى جٶنٸندە رەسمي اقپارات جارييالانعان جوق.
