سولتٷستٸك قازاقستان وبلىسىندا 1 اقپاننان بەرٸ 990 ادام كوروناۆيرۋسقا قارسى ۆاكتسينا الدى, ەكپە ەگٸلگەندەردٸڭ جاعدايى جاقسى, دەپ حابارلايدى "ۇلت اقپارات".
جالپى تەجٸريبە دەرٸگەرٸ دەنيس برەستٸڭ كوروناۆيرۋسقا قارسى ەكپە العانىنا بٷگٸن التىنشى كٷن.
پەتروپاۆلداعى № 1 ەمحانانىڭ موبيلدٸ توپ قۇرامىندا جۇمىس ٸستەيتٸن مەديتسينالىق قىزمەتكەرگە ەكپە العاشقى لەكپەن سالىندى.
سٶزٸنە قاراعاندا, قازٸر جاعدايى جاقسى, كٷندەلٸكتٸ جۇمىسىن اتقارىپ جٷر.
«3 اقپان كٷنٸ ۆاكتسينا الدىم. سول كٷنٸ كەشكە دەنە قىزۋىم 37 گرادۋسقا دەيٸن كٶتەرٸلدٸ. كەدٸمگٸ پاراتسەتامولدى ٸشكەننەن كەيٸن تەمپەراتۋرا تٷستٸ. تاڭەرتەڭ تۇرعاندا ىستىعىم بولعان جوق, بٸراق ٶزٸمدٸ ەلسٸز سەزٸندٸم. ينەكتسييا سالعان جەر اۋىرىڭقىرادى. ال تٷسكە قاراي مۇنىڭ بەرٸ باسىلىپ, اعزامدا باسقا ٶزگەرٸس بولعان جوق», - دەيدٸ دەرٸگەر.
دەنيس برەس ٶتكەن جىلدىڭ سەۋٸر ايىنان كوروناۆيرۋس جۇقتىرعان سىرقاتتارمەن جۇمىس ٸستەپ كەلەدٸ.
باستاپقىدا ەمحانادا فيلتردە وتىرىپ, ناۋقاستاردى قابىلدادى. ال ماۋسىم ايىنان بەرٸ موبيلدٸ توپ قۇرامىندا.
«تاڭەرتەڭ شاقىرتۋلارمەن كەتەمٸز, تٷسكٸ اسىمىزدى ٸشكەننەن كەيٸن قايتا جۇمىسىمىزدى جالعاستىرامىز. كوروناۆيرۋستىڭ جەڭٸل تٷرٸن جۇقتىرىپ, ٷيٸندە ەم الىپ جاتقاندار دا بٸزدٸڭ باقىلاۋىمىزدا.
ساقتانعاندىقتان شىعار, ەرٸ سەتتٸلٸك جولداس بولدى ما - بۇعان دەيٸن قاۋٸپتٸ ۆيرۋستى جۇقتىرعان جوقپىن. بٸراق بەل ورتاسىندا جٷرگەندٸكتەن ەرتە مە, كەش پە اۋىرۋىم مٷمكٸن. سول سەبەپتٸ ۆاكتسينا قويدىرۋعا شەشٸم قابىلدادىم. كۆي-دٸ جۇقتىرعان جاعدايدا دا ەكپەدەن كەيٸن ول جەڭٸل ٶتەدٸ, يممۋنيتەت قالىپتاسادى», - دەيدٸ مەديتسينا قىزمەتكەرٸ.
جالپى سقو-عا 1 اقپان كٷنٸ كۆي-گە قارسى 1200 دوزا ۆاكتسينا جەتكٸزٸلگەن ەدٸ.
سقو دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, بٷگٸنگە دەيٸن 990 ادام ۆاكتسينا الىپ ٷلگەردٸ.
ولار نەگٸزٸنەن كوروناۆيرۋسپەن كٷرەستە الدىڭعى شەپتە جٷرگەن مەديتسينا قىزمەتكەرلەرٸ.
