مەجٸلٸس دەپۋتاتى, «Nur Otan» پارتيياسى فراكتسيياسىنىڭ مٷشەسٸ مەيرامبەك تٶلەپبەرگەن پرەمەر-مينيستردٸڭ ورىنباسارى ەرالى توعجانوۆقا ەل ٸشٸندەگٸ ٶڭٸرارالىق قونىس اۋدارۋ تۋرالى دەپۋتاتتىق ساۋالىن جولدادى, دەپ حابارلايدى "ۇلت اقپارات".
«24 مامىر كٷنٸ «كازاحستانسكايا پراۆدا» گازەتٸندە «زالوجنيكي راۆنودۋشييا» اتتى ماقالا جارىق كٶردٸ. سول كٶلەمدٸ ماقالادا ٶڭٸرارالىق قونىس اۋدارۋدىڭ جاي-جاپسارى بٸر وبلىستىڭ مىسالىمەن تالداپ ايتىلدى. مٸنە, وسى ماقالادا كٶرسەتٸلگەن ٶتكٸر جەنە ٶتە قاجەتتٸ مەسەلەگە وراي مەملەكەت باسشىسى قاسىم-جومارت توقاەۆ تٸكەلەي ٶزٸ نازارعا الىپ, پرەزيدەنت ەكٸمشٸلٸگٸنە سولتٷستٸك قازاقستان وبلىسى, ايىرتاۋ اۋدانىنا قونىس اۋدارعان ازاماتتارعا ارنالىپ سالىنعان تۇرعىن ٷيلەردٸڭ ساپاسىن تەكسەرۋ تۋرالى تاپسىرما بەردٸ.
بۇل قوزعالىپ وتىرعان مەسەلەنٸڭ مەملەكەتتٸك مەنٸ زور ەكەنٸن تاعى دا كٶرسەتتٸ. مەملەكەت باسشىسى قاسىم-جومارت توقاەۆ ٶزٸنٸڭ «تەۋەلسٸزدٸك بەرٸنەن قىمبات» اتتى باعدارلامالىق ماقالاسىندا ەلٸمٸزدٸڭ قاۋٸپسٸزدٸگٸنە تٸكەلەي قاتىستى ٸشكٸ جەنە سىرتقى كٶشٸ-قون مەسەلەسٸنٸڭ ەلٸمٸزدە ەرەكشە ماڭىزى مەن ٶزەكتٸلٸگٸ بار ەكەنٸن اتاپ ٶتتٸ. وسى باعىتتا ەل تەۋەلسٸزدٸگٸ جىلدارىندا قىرۋار ٸس اتقارىلدى. دەي تۇرعانمەن, سولتٷستٸك قازاقستان جەنە شىعىس قازاقستان وبلىستارىندا دەموگرافييالىق جاعداي ەلٸ دە تۇراقتاندىرىلماي وتىر», - دەدٸ دەپۋتات.
ونىڭ ايتۋىنشا, دەموگرافييالىق جاعدايىنىڭ قيىندىعىنا وراي رەسپۋبليكالىق بيۋدجەت قارجىسى ەسەبٸنەن قونىس اۋدارۋشىلاردى تۇرعىن ٷيمەن قامتاماسىز ەتۋ بويىنشا پيلوتتىق جوبا جٷزەگە اسىرىلىپ جاتقان سولتٷستٸك قازاقستان وبلىسىنىڭ اققايىڭ, ايىرتاۋ جەنە قىزىلجار اۋداندارىندا ٶتكەن جىلى قونىس اۋدارۋشىلارعا ارنالعان باسپانالار ساپاسىز سالىنعاندىعى بۇقارالىق اقپارات قۇرالدارى مەن ەلەۋمەتتٸك جەلٸلەردە ٶتكٸر سىنالدى.
جوعارىدا باياندالعاننىڭ نەگٸزٸندە «Nur Otan» پارتيياسى فراكتسيياسىنىڭ مٷشەلەرٸ رەتٸندە كەلەسٸ ۇسىنىستار ەنگٸزٸلدٸ:
1. قازٸرگٸ ۋاقىتتا ٸشكٸ جەنە سىرتقى كٶشٸ-قوننىڭ ستراتەگييالىق ماڭىزى ارتىپ وتىرعاندىعىن جەنە «Nur Otan» پارتيياسىنىڭ سايلاۋالدى باعدارلاماسىن ٸسكە اسىرۋ جٶنٸندەگٸ جول كارتاسىنا سەيكەس, 2025 جىلعا دەيٸن 80 مىڭ قانداستىڭ, ونىڭ ٸشٸندە 2021 جىلى 12 مىڭ قانداستىڭ قايتا ورالۋىنا جەردەمدەسۋ جوسپارلانعاندىعىن ەسكەرٸپ, بٸر كەزدە ٷكٸمەت جانىندا بولعان كٶشٸ-قون جەنە دەموگرافييا اگەنتتٸگٸن قايتادان قۇرۋ مەسەلەسٸن قاراستىرعان جٶن.
سەبەبٸ, ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ ەڭبەك, ەلەۋمەتتٸك قورعاۋ جەنە كٶشٸ-قون كوميتەتٸ كٶشٸ-قون مەسەلەلەرٸمەن جەتكٸلٸكتٸ اينالىسادى دەۋ قيىن. اتالعان اگەنتتٸكتٸ قۇرۋ شەتەلدەردە جۇمىس ٸستەپ جٷرگەن قازاقستاندىقتاردىڭ قۇقىقتارىن قورعاۋ تۇرعىسىنان دا قاجەت.
2. سوڭعى جىلدارى وتانداستاردىڭ سولتٷستٸك قازاقستان جەنە شىعىس قازاقستان وبلىستارىنا قونىس اۋدارۋ پروتسەسٸ باياۋلاپ قالعان, سول سەبەپتەن جەرگٸلٸكتٸ اتقارۋشى ورگاندار وسى جۇمىستى جانداندىرۋى تيٸس. ٶيتكەنٸ بۇل مەسەلەلەر مەملەكەت پەن حالىقتىڭ مٷددەلەرٸ تۇرعىسىنان ستراتەگييالىق ماڭىزعا يە.
3. قانداستار مەن قونىس اۋدارۋشىلاردى ٶڭٸرلەردە قابىلداۋ, جۇمىسقا ورنالاستىرۋ جەنە تۇرعىن ٷيمەن قامتاماسىز ەتۋ مەسەلەلەرٸنە جٷيەلٸ مونيتورينگ جٷرگٸزٸپ, تۇراقتى باقىلاۋدا ۇستاۋ, سونداي-اق كٶشٸ-قون سالاسىنداعى مەملەكەتتٸك ساياساتتى ٸسكە اسىرۋعا تيٸستٸ باسشىلاردىڭ جاۋاپكەرشٸلٸگٸن قاتايتا تٷسكەن جٶن.
4. قارجى مونيتورينگٸ اگەنتتٸگٸ قونىس اۋدارۋشىلارعا مەملەكەتتٸك قولداۋ كٶرسەتۋگە جەنە ولاردى جۇمىسقا قابىلداعان شارۋاشىلىقتارعا تٶلەنگەن سۋبسيدييالارعا جۇمسالعان بيۋدجەت قارجىسىنىڭ ماقساتقا ساي جۇمسالۋىنا قاجەتتٸ تەكسەرٸس جٷرگٸزۋٸ كەرەك.
