“سوققىدان باسىمىزداعى كاسكامىز ۇشتى”: پوليتسەي قاڭتار وقيعاسى تۋرالى

“سوققىدان باسىمىزداعى كاسكامىز ۇشتى”: پوليتسەي قاڭتار وقيعاسى تۋرالى


الماتى قالاسى پد تٷركسٸب اۋداندىق پب پاترۋلدٸك پوليتسييا پولكٸنٸڭ ينسپەكتورى قاڭتار وقيعاسى كەزٸندەگٸ بۇزاقىلار تۋرالى ايتىپ بەردٸ, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.

رۋفان راگيموۆتىڭ ايتۋىنشا, بٸر توپ ادام تەرتٸپ ساقشىلارىن سوققىنىڭ استىنا العان. ٶزدەرٸنٸڭ كٶپتٸگٸن پايدالانىپ, تاس, ارماتۋرا لاقتىرىپ, كٷش كٶرسەتكەن.

"پوليتسەيلەردٸڭ بٸر توبى سەيفۋللين كٶشەسٸمەن بۇزاقىلارعا قاراي وڭتٷستٸك جاققا بەت الدى. ال ەكٸنشٸ توپ تيميريازەۆ كٶشەسٸمەن شىعىس باعىتقا اتتاندى. سول سەتتە ەكٸ جاق بٸر-بٸرٸمەن كەزدەسٸپ قالدى. بٷلٸكشٸلەردٸڭ قولىندا تاس, ارماتۋرا, تەمٸرلەر بولدى. ولار تاس لاقتىرعاندا, باسىمىزداعى كاسكاعا دەيٸن ۇشىپ كەتتٸ", - دەدٸ ول.

قاتتى سوققىدان پوليتسييا قىزمەتكەرلەرٸنٸڭ اراسىندا تالىپ قالعاندار دا بولعان.

"شامامەن, 500-800-دەي ادام بولدى. ولار ٶتە كٶپ ەدٸ. ولاردى دٷربەلەڭ بولماسىن دەپ, تاراتىپ جٸبەرۋگە تىرىستىق. ادامدار بٸزگە كٷش كٶرسەتٸپ, شابۋىل جاسايدى دەپ ويلامادىق. ەشكٸم ايتقان سٶزگە قۇلاق اسپادى", - دەدٸ رۋفان راگيموۆ.