اتىراۋ وبلىسىنان ەكٸنشٸ دٷنيەجٷزٸلٸك سوعىسقا اتتانىپ, حابارسىز كەتكەن جاۋىنگەر تەمٸرەلٸ سەرسەنباەۆتىڭ قۇجاتتارى تۋىستارىنا تابىستالدى, دەپ حابارلايدى "ۇلت اقپارات".
وبلىس ەكٸمٸنٸڭ ورىنباسارى باقىتگٷل حامەنوۆانىڭ ايتۋىنشا, اتىراۋلىق جاۋىنگەردٸڭ پورترەتٸ مەن قۇجاتتارى رەسەي فەدەراتسيياسىنىڭ ۆولگوگراد قالاسىنداعى مۋزەيدەن تابىلعان.
«مايداننان ورالماعان ازاماتتار تۋرالى دەرەكتەردٸ جيناقتاۋمەن «اتامنىڭ اماناتى» قوعامدىق قورى اينالىسىپ جٷر. بٷگٸندە اتالعان قور رەسەي فەدەراتسيياسىنىڭ «پويسكوۆوە دۆيجەنيە روسسيي» قوعامدىق بٸرلەستٸگٸمەن مەموراندۋمعا قول قويعان. ەكٸجاقتى ىنتىماقتاستىقتىڭ نەتيجەسٸندە تابىلعان جەرلەسٸمٸز تەمٸرەلٸ سەرسەنعاليەۆتٸڭ پورترەتٸنٸڭ كٶشٸرمەسٸ مەن قۇجاتتارىن تۋىستارىنا تابىستادىق», - دەدٸ باقىتگٷل حامەنوۆا.
تەمٸرەلٸ سەرسەنعاليەۆ 1922 جىلى بۇرىنعى گۋرەۆ وبلىسى, تەڭٸز اۋدانىنىڭ جامبىل كولحوزى, مۇراتوۆ اۋىلدىق كەڭەسٸندە دٷنيەگە كەلگەن. «قىزىل جۇلدىز», ستالينينگرادتى مينادان تازارتۋداعى جانقييارلىعى ٷشٸن ٸٸ دەرەجەلٸ «وتان سوعىسى» وردەندەرٸمەن ماراپاتتالعان.
