Atyraý oblysynan Ekinshi dúniejúzilik soǵysqa attanyp, habarsyz ketken jaýynger Temiráli Sársenbaevtyń qujattary týystaryna tabystaldy, dep habarlaidy "Ult aqparat".
Oblys ákiminiń orynbasary Baqytgúl Hamenovanyń aitýynsha, atyraýlyq jaýyngerdiń portreti men qujattary Resei Federatsiiasynyń Volgograd qalasyndaǵy mýzeiden tabylǵan.
«Maidannan oralmaǵan azamattar týraly derekterdi jinaqtaýmen «Atamnyń amanaty» qoǵamdyq qory ainalysyp júr. Búginde atalǵan qor Resei Federatsiiasynyń «Poiskovoe dvijenie Rossii» qoǵamdyq birlestigimen memorandýmǵa qol qoiǵan. Ekijaqty yntymaqtastyqtyń nátijesinde tabylǵan jerlesimiz Temiráli Sársenǵalievtiń portretiniń kóshirmesi men qujattaryn týystaryna tabystadyq», - dedi Baqytgúl Hamenova.
Temiráli Sársenǵaliev 1922 jyly burynǵy Gýrev oblysy, Teńiz aýdanynyń Jambyl kolhozy, Muratov aýyldyq keńesinde dúniege kelgen. «Qyzyl Juldyz», Staliningradty minadan tazartýdaǵy janqiiarlyǵy úshin II dárejeli «Otan soǵysy» ordenderimen marapattalǵan.
