وقۋ-جاتتىعۋلار كەزٸندە اتىراۋ گارنيزونىنىڭ ەسكەري قىزمەتشٸلەرٸ «قاراباتان» وقۋ پوليگونىندا زاڭسىز قارۋلى توپتاردىڭ ەنۋ تۋرالى شارتتى ەرەكەتتەرٸن توقتاتتى, دەپ حابارلايدى "ۇلت اقپارات" قر قورعانىس مينيسترلٸگٸ اتىراۋ گارنيزونىنىڭ باسپاسٶز قىزمەتٸنە سٸلتەمە جاساپ.
جاتتىعۋلاردىڭ جوسپارىنا سەيكەس, سودىرلاردىڭ شاعىن توپتارى بوسقىنداردىڭ كەيپٸندە شارتتى شەكارادان ٶتٸپ, ەلٸمٸزدٸڭ اۋماعىنا باسىپ كٸرگەن بولاتىن. ولاردى ٸزدەپ تابۋ جەنە جويۋ ٷشٸن اتىراۋ گارنيزونى ەسكەري بٶلٸمدەرٸنٸڭ بٸرٸنٸڭ ەسكەري قىزمەتشٸلەرٸ تارتىلدى.
«روتالاردىڭ ارنايى-تاكتيكالىق جاتتىعۋلارى بارىسىندا بٶلٸمشەلەردٸڭ بٸرٸ شارتتى جاۋ كەيپٸندە ەرەكەت ەتتٸ. جاتتىعۋ بارىسىندا بٶلٸمشەلەردٸڭ تاكتيكالىق ٸس-قيمىلدارىنا, جاۋىنگەرلٸك جەنە اتىس باقىلاۋىندا قارۋدى شەبەر جەنە تيٸمدٸ قولدانۋعا, سونداي- اق قاۋٸپسٸزدٸك شارالارىن قاتاڭ ساقتاۋعا باستى نازار اۋدارىلدى.
جاتتىعۋلاردىڭ نەتيجەلەرٸ بويىنشا جەكە قۇرامنىڭ دايىندىعى «جاقسى» دەپ باعالاندى», - دەدٸ ەسكەري بٶلٸمنٸڭ شتاب باستىعى مايور جالعاس راحمعاليەۆ.
جاتتىعۋلاردىڭ نەتيجەلەرٸ بويىنشا كاپيتان نۇربەك ايتقاليەۆتٸڭ باسقارۋىنداعى بٶلٸمشەلەر بارىنشا ٷيلەسٸمدٸلٸك تانىتتى.
«جاتتىعۋ بارىسىندا بٸز جەكە قۇرامعا, ەسكەري تەحنيكا مەن قارۋ- جاراققا ارنالعان دالالىق باسپانا مەن جاسىرىنۋ ورىندارىن جابدىقتاۋ, كەدەرگٸلەر مەن توسقاۋىلداردى ۇيىمداستىرۋ, سونداي-اق مەديتسينالىق كٶمەك كٶرسەتۋ مەن جارالىلاردى ەۆاكۋاتسييالاۋ بويىنشا ٸس-شارالاردى ٶتكٸزۋدە شەبەرلٸگٸمٸزدٸ ارتتىرا الدىق. مەن وفيتسەرلەر مەن سەرجانتتاردىڭ بٸرلەسكەن جەنە ٷيلەسٸمدٸ جۇمىسىنىڭ ارقاسىندا جەكە قۇرام ٶزدەرٸن جاقسى جاعىنان كٶرسەتكەنٸنە ٶتە قۋانىشتىمىن», - دەدٸ كوماندير.
وقۋ-جاتتىعۋعا بارلىعى 200-گە جۋىق ەسكەري قىزمەتكەر تارتىلدى. 20-دان استام ەسكەري جەنە ارنايى تەحنيكا جۇمىلدىرىلدى.
