Oqý-jattyǵýlar kezinde Atyraý garnizonynyń áskeri qyzmetshileri «Qarabatan» oqý poligonynda zańsyz qarýly toptardyń ený týraly shartty áreketterin toqtatty, dep habarlaidy "Ult aqparat" QR Qorǵanys ministrligi Atyraý garnizonynyń baspasóz qyzmetine silteme jasap.
Jattyǵýlardyń josparyna sáikes, sodyrlardyń shaǵyn toptary bosqyndardyń keipinde shartty shekaradan ótip, elimizdiń aýmaǵyna basyp kirgen bolatyn. Olardy izdep tabý jáne joiý úshin Atyraý garnizony áskeri bólimderiniń biriniń áskeri qyzmetshileri tartyldy.
«Rotalardyń arnaiy-taktikalyq jattyǵýlary barysynda bólimshelerdiń biri shartty jaý keipinde áreket etti. Jattyǵý barysynda bólimshelerdiń taktikalyq is-qimyldaryna, jaýyngerlik jáne atys baqylaýynda qarýdy sheber jáne tiimdi qoldanýǵa, sondai- aq qaýipsizdik sharalaryn qatań saqtaýǵa basty nazar aýdaryldy.
Jattyǵýlardyń nátijeleri boiynsha jeke quramnyń daiyndyǵy «jaqsy» dep baǵalandy», - dedi áskeri bólimniń shtab bastyǵy maior Jalǵas Rahmǵaliev.
Jattyǵýlardyń nátijeleri boiynsha kapitan Nurbek Aitqalievtiń basqarýyndaǵy bólimsheler barynsha úilesimdilik tanytty.
«Jattyǵý barysynda biz jeke quramǵa, áskeri tehnika men qarý- jaraqqa arnalǵan dalalyq baspana men jasyryný oryndaryn jabdyqtaý, kedergiler men tosqaýyldardy uiymdastyrý, sondai-aq meditsinalyq kómek kórsetý men jaralylardy evakýatsiialaý boiynsha is-sharalardy ótkizýde sheberligimizdi arttyra aldyq. Men ofitserler men serjanttardyń birlesken jáne úilesimdi jumysynyń arqasynda jeke quram ózderin jaqsy jaǵynan kórsetkenine óte qýanyshtymyn», - dedi komandir.
Oqý-jattyǵýǵa barlyǵy 200-ge jýyq áskeri qyzmetker tartyldy. 20-dan astam áskeri jáne arnaiy tehnika jumyldyryldy.
