"سنپس-اقتٶبەمۇنايگاز" كومپانيياسىنىڭ ارال ەكولوگييالىق اپات ايماعىندا تۇراتىن ونداعان جۇمىسشىسى 27 ماۋسىم كٷنٸ اقتٶبەگە جينالىپ, نارازىلىقتارىن بٸلدٸردٸ. مۇنايشىلاردىڭ ايتۋىنشا, بيىل اقپان ايىندا قىتايلىق ينۆەستورلار ەكولوگييالىق اپات ايماعىندا تۇراتىن جۇمىسشىلاردىڭ جالاقىسىنا قوسىمشا بەرٸلەتٸن 50 پايىزدىق تٶلەمدٸ توقتاتىپ تاستاعان.
- بٸزگە تٶلەمنٸڭ توقتاتىلاتىنى تۋرالى الدىن الا ەسكەرتٸلدٸ. بەس كٷننٸڭ ٸشٸندە جاڭا كەلٸسٸم شارتقا قول قويماساڭدار, جۇمىستان كەتە بەرٸڭدەر دەدٸ. موينىمىزدا نەسيەمٸز بەن بالا-شاعامىز بولعاندىقتان لاجسىزدان قول قويعانبىز. بٸراق جالاقىمىزدىڭ ازايعانىنان ەبدەن قينالىپ كەتتٸك. اقپان ايىنان بەرٸ شاعىم ايتىپ بارماعان جەرٸمٸز جوق, - دەيدٸ وسى كومپانيياعا قاراستى "وكتيابر" مۇناي گاز باسقارماسىنىڭ جۇمىسشىسى ەرلان ەبدٸعالىموۆ.
- 1997 جىلى "اقتٶبەمۇنايگازدى" قىتايلىق ينۆەستورلار العان كەزدە جاعدايىمىز جاقسارادى دەپ ٷمٸتتەنگەنبٸز. بٸراق كٷتكەنٸمٸزدەي بولمادى. سول جىلدارى بٸزدٸڭ جالاقىمىز دوللارعا شاققاندا 600 اقش دوللارىنا تەڭ بولاتىن, قازٸر – 300 دوللار. سول جىلدارى باررەلٸ 12 دوللار بولعان مۇناي قازٸر 50 دوللار. بٸراق بٸز ونىڭ يگٸلٸگٸن كٶرٸپ جاتقان جوقپىز, - دەيدٸ ارال ەكولوگييالىق اپات ايماعىنا جاتاتىن شالقار قالاسىنىڭ تۇرعىنى, مۇنايشى شاميل تۋحۆاتۋللين.
اقتٶبەنٸڭ شالقار اۋدانى, قىزىلوردا وبلىسىنىڭ ارال, سەكسەۋٸل ەلدٸ مەكەندەرٸنەن مۇناي كەنٸشەرٸنە قاتىناپ, ۆاحتالىق ەدٸسپەن جۇمىس ٸستەيتٸن بۇل ازاماتتار "ارال ٶڭٸرٸندەگٸ ەكولوگييالىق قاسٸرەت سالدارىنان زارداپ شەككەن ازاماتتاردى ەلەۋمەتتٸك قورعاۋ تۋرالى" زاڭنىڭ 13-بابىنا سەيكەس 2017 جىلدىڭ اقپان ايىنا دەيٸن جالاقىلارىنا قوسىمشا تٶلەم الىپ كەلگەن. جۇمىسشىلاردىڭ ايتۋىنشا, "سنپس-اقتٶبەمۇنايگاز" كومپانيياسىنىڭ باسشىلارى كومپانييا تابىسى ازايىپ كەتكەنٸن ايتىپ, جٷزدەگەن جۇمىسشىعا بەرٸلەتٸن قوسىمشا تٶلەمدٸ توقتاتقان.
ازاتتىق تٸلشٸسٸ "سنپس-اقتٶبەمۇنايگاز" كومپانيياسىنىڭ باسپاسٶز قىزمەتٸنەن وسىعان وراي تٷسٸنٸكتەمە بەرۋٸن سۇراعان بولاتىن. كومپانييا بۇل مەسەلەگە كوممەنتاريي بەرۋ ٷشٸن رەسمي ساۋال جولداۋدى تالاپ ەتتٸ.
