بٸرٸككەن اراب ەمٸرلٸكتەرٸنە رەسمي ساپارى بارىسىندا قر پرەمەر-مينيسترٸ ەليحان سمايىلوۆ باە پرەمەر-مينيسترٸنٸڭ ورىنباسارى – پرەزيدەنت ەكٸمشٸلٸگٸنٸڭ مينيسترٸ شەيح مانسۋر بەن زايد ەل ناحايانمەن كەزدەسۋ ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ەليحان سمايىلوۆ قازاقستان مەن باە اراسىندا سىندارلى ساياسي ديالوگ ورناتىلعانىن جەنە ەكٸجاقتى ىنتىماقتاستىقتىڭ جوعارى دەڭگەيٸنە قول جەتكٸزٸلگەنٸن اتاپ ٶتتٸ. ٷكٸمەت باسشىسىنىڭ ايتۋىنشا, وعان ەڭ جوعارى دەڭگەيدەگٸ تۇراقتى بايلانىستار ىقپال ەتٸپ وتىر.
«بٸرٸككەن اراب ەمٸرلٸكتەرٸ – قازاقستاننىڭ ٶڭٸردەگٸ نەگٸزگٸ ساۋدا-ەكونوميكالىق سەرٸكتەسٸ. ەمٸرلٸكتەر بٸزدٸڭ ەلمەن تاۋار اينالىمى بويىنشا اراب ەلدەرٸ اراسىندا كٶش باستاپ تۇر», — دەدٸ پرەمەر-مينيستر.
مەسەلەن, 2021 جىلدىڭ قورىتىندىسى بويىنشا ٶزارا تاۋار اينالىمى $709 ملن بولدى, بۇل كٶرسەتكٸش ٶتكەن جىلمەن سالىستىرعاندا 50%-عا جۋىق ارتتى.
«بۇل – جاقسى نەتيجە, الايدا بٸز ٶزارا ساۋدا نومەنكلاتۋراسىن ودان ەرٸ كەڭەيتۋ بويىنشا بٸرلەسٸپ كٷش-جٸگەر جۇمساي الامىز», — دەدٸ ەليحان سمايىلوۆ.
سونىمەن قاتار ٷكٸمەت باسشىسى سوڭعى جىلدارى باە-دەن قازاقستانعا ينۆەستيتسييالاردىڭ جٷيەلٸ تٷردە ٶسٸپ كەلە جاتقانىن اتاپ ٶتتٸ. ٶتكەن جىلدىڭ قورىتىندىسى بويىنشا بۇل كٶرسەتكٸش 43%-عا ٶسٸپ, $250 ملن-عا جەتتٸ. بۇل ترەند بيىل دا ساقتالىپ وتىر.
«بٸز تاۋ-كەن مەتاللۋرگييا كەشەنٸ, اۋىل شارۋاشىلىعى, مۇناي حيميياسى, ەنەرگەتيكا, گەولوگييا سيياقتى سالالاردا ينۆەستيتسييالىق ىنتىماقتاستىقتى ارتتىرۋ جەنە تەرەڭدەتۋ ٷشٸن ايتارلىقتاي ەلەۋەتتٸ بايقاپ وتىرمىز. اتالعان سالالار بٸزدٸڭ ستراتەگييالىق ماقساتتارىمىزعا ساي كەلەدٸ», — دەدٸ سمايىلوۆ.
وسىعان بايلانىستى شەيح مانسۋر بەن زايد ەل ناحايانعا جالپى سوماسى $6,5 ملرد-تان اساتىن پەرسپەكتيۆالىق ينۆەستيتسييالىق جوبالاردىڭ تٸزٸمٸ قاراۋعا بەرٸلدٸ. بۇل رەتتە ٶنەركەسٸپتەگٸ, ەنەرگەتيكاداعى, بانك سەكتورىنداعى جەنە اۋىل شارۋاشىلىعىنداعى, ونىڭ ٸشٸندە بٸرلەسكەن ۆەنچۋرلٸك قور قۇرۋ, قانت زاۋىتىن سالۋ جەنە كالتسيي قوسىلعان سودا ٶندٸرٸسٸن ٸسكە قوسۋ بويىنشا ەڭ ٸرٸ بەس جوباعا باسا نازار اۋدارىلدى.
«قازاقستان ٷكٸمەتٸ باە-مەن بارلىق باعىتتار بويىنشا ٶزارا تيٸمدٸ ىنتىماقتاستىقتى تەرەڭدەتۋگە جەنە نىعايتۋعا نيەتتٸ», — دەپ تٷيٸندەدٸ پرەمەر.
كەزدەسۋ قورىتىندىسى بويىنشا ەكولوگييا, ساۋدا, مەدەنيەت جەنە بٸلٸم بەرۋ سالالارىندا بٸرقاتار ەكٸجاقتى ۆەدومستۆوارالىق قۇجاتتارعا قول قويىلدى.
ٶز كەزەگٸندە شەيح مانسۋر بەن زايد ەل ناحايان بۇل ساپاردىڭ ەكٸ ەل اراسىنداعى ىنتىماقتاستىقتى نىعايتۋ ٷشٸن ماڭىزى ەرەكشە ەكەنٸن اتاپ كٶرسەتتٸ.
ول قازاقستاننىڭ باە-نٸڭ ورتالىق ازييا ٶڭٸرٸندەگٸ جەتەكشٸ ەرٸپتەستەرٸنٸڭ بٸرٸ ەكەنٸن ايتتى. سونداي-اق بانك سالاسى مەن اۋىل شارۋاشىلىعىندا, ونىڭ ٸشٸندە قانت جەنە سٷت ٶنٸمدەرٸن ٶندٸرۋ بويىنشا بٸرلەسكەن جوبالاردى ٸسكە اسىرۋعا مٷددەلٸ ەكەنٸن بٸلدٸردٸ.
شەيح مانسۋر بەن زايد ەل ناحايان قازاقستان ٷكٸمەتٸ باسشىسىنىڭ وسى ساپارى ەكٸ ەل اراسىنداعى قاتىناستاردى جوعارى دەڭگەيگە كٶتەرۋگە ىقپال ەتەتٸنٸنە سەنٸم بٸلدٸردٸ.
