فوتو: ©️ Tengrinews.kz / تۇرار قازانعاپوۆ
پاۆلودار قالاسىنىڭ ٸرگەسٸندەگٸ لەنينسكيي كەنتٸ اتامەكەن بولىپ اتالدى. كەنتتە بٷگٸندە 10 مىڭنان اسا ادام تۇرادى, - دەپ حابارلايدى Kazinform اگەنتتٸگٸ.
اتامەكەن — پاۆلودار قالاسىنىڭ ەكٸمشٸلٸك اۋماعىنا ەنەتٸن ٷلكەن كەنت. جەرگٸلٸكتٸ جۇرتتىڭ تەڭ جارتىسى — ٶزٸمٸزدٸڭ قانداستارىمىز.
جالپى, ەلدٸ مەكەن كٶپۇلتتى بولعاندىقتان با, ونىڭ اتاۋىن ٶزگەرتۋ مەسەلەسٸ كٶپكە دەيٸن جەرگٸلٸكتٸ قاۋىم تاراپىنان قارسىلىققا ۇشىراي بەردٸ. اۋىل اقساقالدارى مەن باس كٶتەرەر ازاماتتارى بٸرنەشە مەرتە قازانعاپ بيدٸڭ اتىن بەرگٸسٸ كەلٸپ, ۇسىنىس جاساعانىمەن حالقىمىزدىڭ ٶتكەن تاريحىن ونشا-مۇنشا بٸلمەيتٸن جەرگٸلٸكتٸ جۇرت بۇل باستامادان ٷزٸلدٸ-كەسٸلدٸ باس تارتتى.
ال لەنينسكيي اتاۋىن كارتادان سىزىپ تاستاۋعا تالپىنعان قوعام بەلسەندٸلەرٸ بيىل جازدا كەنتكە 6 تٷرلٸ نۇسقا ۇسىندى. ولار — قازانعاپ, بيدايىق, اتامەكەن, ىنتىماق, قازىنا جەنە جەتٸنشٸ اۋىل. قورىتىندى جيىندا قازانعاپ بي مەن اتامەكەن اتاۋلارى قالىپ, جەرگٸلٸكتٸ قاۋىمداستىقتىڭ 50 مٷشەسٸنٸڭ 49-ى اتامەكەنگە داۋىس بەردٸ.
"پاۆلودار وبلىسى ەكٸمدٸگٸنٸڭ 2023 جىلعى 28 جەلتوقسانداعى № 4 بٸرلەسكەن قاۋلىسى مەن پاۆلودار وبلىستىق مەسليحاتىنىڭ 2023 جىلعى 28 جەلتوقسانداعى № 105/8 شەشٸمٸمەن لەنين كەنتٸ اتامەكەن بولىپ قايتا اتالدى", — دەپ حابارلادى كەنت ەكٸمدٸگٸنەن.
ەرتەرەكتە بۇل جەردە بيدايىق دەگەن اۋىل بولعان. ەرتٸس ٶزەنٸندە كٶپٸر جوق ەسكٸ زاماندا ٶزەننەن ارلى-بەرلٸ ٶتكٸزەتٸن پارومدى كٷتەتٸن جولاۋشىلار وسى جەردە تٷنەپ وتىرعان.
ال كەنت رەتٸندە نەگٸزٸ 1914 جىلى قالانىپ, № 7 اۋىل قۇرىلادى. 1965 جىلى پرولەتاريات كٶسەمٸنٸڭ ەسٸمٸ بەرٸلدٸ. كەڭەس زامانىنان پاۆلودار قالاسىنا قارايتىن كەنتكە تەۋەلسٸزدٸك جىلدارى اۋىلداردان كٶپ وتباسىلار كٶشٸپ كەلدٸ.
اتامەكەن وبلىس ورتالىعى ٷشٸن گەوگرافييالىق تۇرعىدان اسا ماڭىزعا يە.
ايتىپ ٶتەيٸك, اتامەكەن كەنتٸندە شوۋ-بيزنەستە سكريپتونيت اتىمەن تانىمال بولعان بەلگٸلٸ مۋزىكانت ەدٸل جەلەلوۆ دٷنيەگە كەلگەن.
ال اتامەكەننەن ەرٸرەك 20 شاقىرىم جەردەگٸ اقسۋ قالاسى — تاعى بٸر دارىندى مۋزىكانت, گرەممي سىيلىعىنىڭ يەگەرٸ يمانبەك زەيكەنوۆتٸڭ تۋعان مەكەنٸ.
