سولتٷستٸك قازاقستان وبلىسىنىڭ فەرمالارى مال باسىن اسىلداندىرىپ جاتىر. بيىل ٶڭٸرگە جەتكٸزٸلۋٸ تيٸس 4,5 مىڭ باستىڭ 3,5 مىڭى شارۋالاردىڭ قولىنا تيگەن, دەپ حابارلايدى "ۇلت اقپارات".
قىزىلجار اۋدانىنداعى نوۆونيكولسكوە ەلدٸ مەكەنٸنە گەرمانييادان گولشتين تۇقىمدى 160 ٸرٸ قارا مال ەكەلٸندٸ. بۇل شەتەلدەن جەتكٸزٸلۋٸ تيٸس تٷلٸكتٸڭ العاشقى پارتيياسى. سٷتتٸ سيىرعا فەرمەرلەر اراسىندا سۇرانىس جوعارى. سول سەبەپتٸ جەرگٸلٸكتٸ شارۋالار دا جولدىڭ شالعايلىعىنا قاراماستان, ونى كٶپتەپ ەكەلٸپ جاتىر. «زەنچەنكو ي ك» كومانديتتٸك سەرٸكتەستٸگٸ سيىرلاردى سٷتتٸ مال شارۋاشىلىعىن دامىتۋ باعدارلاماسى اياسىندا ساتىپ الدى. بۇل باعدارلاما ۇزاق مەرزٸمگە شاقتالعان. ماقساتى - سٷت ٶنٸمدەرٸنٸڭ يمپورتىن الماستىرۋ.
گولشتين سيىرى تەۋلٸگٸنە 50-60 ليتر سٷت بەرەدٸ. تەك كٷتٸمٸ جاقسى بولۋى قاجەت. مامانداردىڭ سٶزٸنە قاراعاندا, بۇل تۇقىم سولتٷستٸكتٸڭ كليماتىنا تەز جەرسٸنەدٸ.
«قىزىلجار اۋدانى بويىنشا جىلدىڭ اياعىنا دەيٸن شەتەلدەن 1300 مال جەتكٸزٸلەدٸ. قازٸر ەكەلگەن سيىرلاردى 21 كٷندٸك كارانتينگە قويامىز. اسا قاۋٸپتٸ اۋرۋلاردى الدىن الۋ ٷشٸن وسىلايشا ۋاقىتشا وقشاۋلايمىز. ەكەلٸنگەن ەر سيىر ٷشٸن شارۋاشىلىق 337 مىڭ تەڭگەدەن سۋبسيدييا الادى. گولشتيندٸ 2008 جىلى «زەنچەنكو ي ك» كومانديتتٸك سەرٸكتەستٸگٸ كانادادان ەكەلە باستاعان. بۇل مالدىڭ ٶنٸمدٸلٸگٸ, سٷت بەرۋٸ ٶتە جوعارى», - دەيدٸ قىزىلجار اۋداندىق ۆەتەرينارييا بٶلٸمٸنٸڭ باسشىسى سىرعابەك بايجانوۆ.
قازٸر «زەنچەنكو ي ك» شارۋاشىلىعىندا 3,5 مىڭعا جۋىق ٸرٸ قارا مال بار. ولار كٷنٸنە 70 توننا سٷت بەرەدٸ.جىل سوڭىنا دەيٸن گولشتين تۇقىمدى تاعى 440 سيىر قوسىلادى.
سقو اۋىل شارۋاشىلىعى باسقارماسى ماماندارىنىڭ مەلٸمەتٸنشە, بيىل ٸرٸ قارا مال سانى 1,7% ۇلعايىپ, 367 مىڭعا جەتتٸ. ونىڭ 198 مىڭى - سٷتتٸ سيىر. «سىباعا», «ىرىس» جەنە سٷتتٸ مال شارۋاشىلىعىن دامىتۋ باعدارلامالارى ارقىلى اعىمداعى جىلى ٶڭٸرگە 4,5 مىڭ باس اسىل تۇقىمدى قارا مال ساتىپ الىنۋى تيٸس بولسا, بٷگٸنگە دەيٸن ونىڭ 3,5 مىڭى جەتكٸزٸلدٸ.
