سولتٷستٸك قازاقستان وبلىسىنداعى پوليتسييا دەپارتامەنتٸنٸڭ ەمحاناسى مەن گوسپيتالٸنە 20 مىڭ ادام تٸركەلگەن. ولارعا 22 مەدبيكە قىزمەت كٶرسەتٸپ كەلەدٸ, دەپ حابارلايدى "ۇلت اقپارات".
بٷگٸن اق حالاتتىلاردى كەسٸبي مەرەكە - حالىقارالىق مەدبيكەلەر كٷنٸمەن تەرتٸپ ساقشىلارى جەنە ەرٸپتەستەرٸ قۇتتىقتادى.
«بيىل العاش رەت بۇل مەرەكەنٸ سالتاناتتى ٸس-شاراسىز قارسى الىپ جاتىرمىز. وعان كارانتيندٸك شەكتەۋلەر سەبەپ. تٶتەنشە جاعداي رەجيمٸ الىنىپ, كارانتيندٸك شەكتەۋلەر بوساڭسىعانىمەن بٸز قىزمەتكەرلەرٸمٸزدٸڭ دەنساۋلىعىن قاتەرگە تٸكپەۋگە شەشتٸك. گوسپيتال مەن ەمحانانىڭ ماماندارىنا ونسىز دا قاۋٸپتٸ ٸندەتتٸ جۇقتىرۋ قاۋپٸ باسىم. قازٸر مەدبيكەلەر كارانتيندٸك ٸس-شارالارعا جۇمىلدىرىلعان. ولار ەكٸمشلٸك عيماراتتاردىڭ كٸرەبەرٸسٸندە پوليتسييانىڭ بارلىق قىزمەتكەرلەرٸن تەكسەرۋدەن ٶتكٸزٸپ كٸرگٸزەدٸ. دەرٸگەرلەرمەن بٸرگە سىرقاتتاردى, سونىڭ ٸشٸندە كوروناۆيرۋس جۇقتىرۋى مٷمكٸن ناۋقاستاردى قابىلداپ, تيٸستٸ ساراپتامالاردى الادى. قازٸرگٸ كەزدە پوليتسييا دەپارتامەنتٸنٸڭ جەكە قۇرامىن تەكسەرٸپ جاتىرمىز. سول سەبەپتٸ باعا جەتپەس قىزمەتكەرلەرٸمٸزدٸ جۇمىس ورىندارىندا قۇتتىقتاپ جاتىرمىز», - دەيدٸ گوسپيتالدٸڭ باستىعى قۇمار كٷسەمٸسوۆ.
ۆەدومستۆونىڭ مەديتسينالىق مەكەمەسٸندە جۇمىس ٸستەيتٸن مەدبيكەلەردٸڭ جۇمىسى كٶزگە كٶرٸنە بەرمەيدٸ. ولار وبلىستىڭ قۇقىق قورعاۋ ورگاندارى سالاسىندا ٸستەيتٸندەردٸ, جاقىن تۋىستارىن, ارداگەرلەردٸ قابىلداپ, قىزمەت كٶرسەتەدٸ. جالپى ەمحاناعا 19 300 ادام تٸركەلگەن.
«ستاتسيوناردا كەزەكشٸلٸك ەتەمٸز, شاقىرتۋلار بويىنشا شىعامىز, كارانتيندٸك ٸس-شارالارعا قاتىسامىز. ارداگەرلەردٸ دە نازاردان تىس قالدىرماي, ٷنەمٸ بارىپ تۇرامىز. بٸراق ەڭ باستى قيىندىق جۇمىستىڭ كٶپتٸگٸ ەمەس. بۇل جەرگە كەلگەندە بٸز بارلىق جەكە مەسەلەلەرٸمٸزدٸ, اۋرۋىمىزدى سىرتتا قالدىرۋىمىز قاجەت. ناۋقاستاردى اق نيەتپەن قابىلداپ, كەسٸبي كٶمەك كٶرسەتۋٸمٸز كەرەك», - دەيدٸ اعا مەدبيكە جانار قۇسبەكوۆا.
