سولتٷستٸك قازاقستان وبلىسىندا جوعارى پاتوگەندٸ قۇس تۇماۋىنىڭ تارالۋىنا جول بەرمەۋ ماقساتىندا كەشەندٸ شارالار قابىلدانۋدا: ۆاكتسينالار الىندى, ٸندەت تٸركەلگەن اۋماقتار زالالسىزداندىرىلۋدا, قۇستاردىڭ ٶلەكسەلەرٸ جويىلۋدا, قۇس شارۋاشىلىعى ٶنٸمدەرٸن تاسىمالداۋعا تىيىم سالىندى, دەپ حابارلايدى قر اشم باسپاسٶز قىزمەتٸ.
سولتٷستٸك قازاقستان وبلىسىنىڭ جەتٸ اۋدانىندا (تيميريازەۆ, تايىنشا, جامبىل, قىزىلجار, شال اقىن, ع.مٷسٸرەپوۆ, م.جۇماباەۆ) اعىمداعى جىلدىڭ 9-16 قىركٷيەك ارالىعىندا ەرتٷرلٸ ٷي قۇستارىنىڭ ٶلٸمٸ تٸركەلدٸ.
ۇلتتىق انىقتامالىق ورتالىق قۇستاردىڭ قىرىلۋىنىڭ سەبەبٸ جوعارى پاتوگەندٸ قۇس تۇماۋى ەكەنٸن انىقتادى. قابىلدانعان ەرەجەلەرگە سەيكەس, قازاقستان رەسپۋبليكاسى دٷنيەجٷزٸلٸك جانۋارلار دەنساۋلىعىن ساقتاۋ ۇيىمىنا اۋرۋدىڭ ٶرشۋٸ تۋرالى حابارلادى.
ەلدەگٸ ەپيدەمييالىق جاعدايدى شۇعىل قالپىنا كەلتٸرۋ جەنە قۇس تۇماۋىنىڭ تارالىپ كەتپەۋٸنە جول بەرمەۋ ماقساتىندا قر اشم ۆەتەرينارييالىق باقىلاۋ جەنە قاداعالاۋ كوميتەتٸ 2020 جىلعى 17 قىركٷيەكتەن باستاپ سولتٷستٸك قازاقستان وبلىسىنىڭ تيميريازەۆ, تايىنشا, جامبىل, قىزىلجار, شال اقىن, ع.مٷسٸرەپوۆ, م.جۇماباەۆ اۋدانىنان تٸرٸ قۇس جەنە ينكۋباتسييالىق جۇمىرتقا, مامىق پەن قاۋىرسىن, قۇس ەتٸ مەن قۇس شارۋاشىلىعى ٶنٸمدەرٸنٸڭ بارلىق تٷرلەرٸن, قۇستارعا ارنالعان جەمشٶپ پەن جەمشٶپ قوسپالارىن, سونداي-اق بۇرىن پايدالانۋدا بولعان قۇستاردى كٷتٸپ-باعۋعا, سويۋعا جەنە مٷشەلەۋگە ارنالعان جابدىقتاردى شىعارۋعا ۋاقىتشا شەكتەۋلەر ەنگٸزدٸ.
اسا قاۋٸپتٸ اۋرۋدى جويۋ ٷشٸن قر اشم ۆەتەرينارييالىق باقىلاۋ جەنە قاداعالاۋ كوميتەتٸنٸڭ رەسپۋبليكالىق ەپيزووتيياعا قارسى وتريادى جەنە سولتٷستٸك قازاقستان اۋماقتىق ينسپەكتسيياسى قازٸرگٸ ۋاقىتتا مٸندەتتٸ ٸس-شارالار كەشەنٸن, ونىڭ ٸشٸندە قۇستاردىڭ ٶلەكسەلەرٸن جويۋ, ٷي-جايلار مەن اۋلا اۋماقتاردى دەزينفەكتسييالاۋ جۇمىستارىن جٷرگٸزۋدە.
رەسەي فەدەراتسيياسىمەن شەكارالاس اۋماقتاردا جانۋارلاردى ۆاكتسيناتسييالاۋ ٷشٸن جوعارى پاتوگەندٸ قۇس تۇماۋىنا قارسى 873 مىڭ وتاندىق پرەپارات بٶلٸندٸ.
ارنايى كوميسسييانىڭ شەشٸمٸمەن قر اشم ۆەتەرينارييالىق باقىلاۋ جەنە قاداعالاۋ كوميتەتٸنٸڭ رەسپۋبليكالىق ەپيزووتيياعا قارسى وتريادى ٶلگەن قۇستاردىڭ يەلەرٸنە جانۋارلاردىڭ ورتاشا ايلىق نارىقتىق قۇنى مٶلشەرٸندە ٶتەماقى تٶلەيدٸ.
ٶڭٸردٸڭ ەپيزووتييالىق جاعدايى قر اۋىل شارۋاشىلىعى مينيسترلٸگٸنٸڭ باقىلاۋىندا.
ەستەرٸڭٸزگە سالساق, اعىمداعى جىلدىڭ 26 تامىزىندا قر اشم ۆەتەرينارييالىق باقىلاۋ جەنە قاداعالاۋ كوميتەتٸ رەسەي فەدەراتسيياسىنىڭ ومبى وبلىسىنان قۇس تۇماۋىنىڭ جوعارى پاتوگەندٸ ۆيرۋسىنىڭ ٶرشۋٸنە بايلانىستى تٸرٸ قۇستاردى, قۇس شارۋاشىلىعى ٶنٸمدەرٸن جەنە ٸلەسپە تاۋارلاردى قازاقستانعا الىپ كەلۋگە شەكتەۋ ەنگٸزدٸ. الايدا, ماماندار مەن عالىمداردىڭ پٸكٸرٸنشە جوعارى پاتوگەندٸ قۇس تۇماۋىنىڭ تارالۋىنىڭ قوزدىرعىشى تەك كٶرسەتٸلگەن تاۋارلاردىڭ ساناتتارى ارقىلى عانا ەمەس, سونىمەن قاتار جابايى قونىس اۋداراتىن قۇستاردان دا تارالۋى مٷمكٸن.
