Soltústik Qazaqstan oblysynda joǵary patogendi qus tumaýynyń taralýyna jol bermeý maqsatynda keshendi sharalar qabyldanýda: vaktsinalar alyndy, indet tirkelgen aýmaqtar zalalsyzdandyrylýda, qustardyń ólekseleri joiylýda, qus sharýashylyǵy ónimderin tasymaldaýǵa tyiym salyndy, dep habarlaidy QR AShM baspasóz qyzmeti.
Soltústik Qazaqstan oblysynyń jeti aýdanynda (Timiriazev, Taiynsha, Jambyl, Qyzyljar, Shal aqyn, Ǵ.Músirepov, M.Jumabaev) aǵymdaǵy jyldyń 9-16 qyrkúiek aralyǵynda ártúrli úi qustarynyń ólimi tirkeldi.
Ulttyq anyqtamalyq ortalyq qustardyń qyrylýynyń sebebi joǵary patogendi qus tumaýy ekenin anyqtady. Qabyldanǵan erejelerge sáikes, Qazaqstan Respýblikasy Dúniejúzilik janýarlar densaýlyǵyn saqtaý uiymyna aýrýdyń órshýi týraly habarlady.
Eldegi epidemiialyq jaǵdaidy shuǵyl qalpyna keltirý jáne qus tumaýynyń taralyp ketpeýine jol bermeý maqsatynda QR AShM veterinariialyq baqylaý jáne qadaǵalaý komiteti 2020 jylǵy 17 qyrkúiekten bastap Soltústik Qazaqstan oblysynyń Timiriazev, Taiynsha, Jambyl, Qyzyljar, Shal aqyn, Ǵ.Músirepov, M.Jumabaev aýdanynan tiri qus jáne inkýbatsiialyq jumyrtqa, mamyq pen qaýyrsyn, qus eti men qus sharýashylyǵy ónimderiniń barlyq túrlerin, qustarǵa arnalǵan jemshóp pen jemshóp qospalaryn, sondai-aq buryn paidalanýda bolǵan qustardy kútip-baǵýǵa, soiýǵa jáne músheleýge arnalǵan jabdyqtardy shyǵarýǵa ýaqytsha shekteýler engizdi.
Asa qaýipti aýrýdy joiý úshin QR AShM veterinariialyq baqylaý jáne qadaǵalaý komitetiniń Respýblikalyq epizootiiaǵa qarsy otriady jáne Soltústik Qazaqstan aýmaqtyq inspektsiiasy qazirgi ýaqytta mindetti is-sharalar keshenin, onyń ishinde qustardyń ólekselerin joiý, úi-jailar men aýla aýmaqtardy dezinfektsiialaý jumystaryn júrgizýde.
Resei Federatsiiasymen shekaralas aýmaqtarda janýarlardy vaktsinatsiialaý úshin joǵary patogendi qus tumaýyna qarsy 873 myń otandyq preparat bólindi.
Arnaiy komissiianyń sheshimimen QR AShM veterinariialyq baqylaý jáne qadaǵalaý komitetiniń Respýblikalyq epizootiiaǵa qarsy otriady ólgen qustardyń ielerine janýarlardyń ortasha ailyq naryqtyq quny mólsherinde ótemaqy tóleidi.
Óńirdiń epizootiialyq jaǵdaiy QR Aýyl sharýashylyǵy ministrliginiń baqylaýynda.
Esterińizge salsaq, aǵymdaǵy jyldyń 26 tamyzynda QR AShM veterinariialyq baqylaý jáne qadaǵalaý komiteti Resei Federatsiiasynyń Omby oblysynan qus tumaýynyń joǵary patogendi virýsynyń órshýine bailanysty tiri qustardy, qus sharýashylyǵy ónimderin jáne ilespe taýarlardy Qazaqstanǵa alyp kelýge shekteý engizdi. Alaida, mamandar men ǵalymdardyń pikirinshe joǵary patogendi qus tumaýynyń taralýynyń qozdyrǵyshy tek kórsetilgen taýarlardyń sanattary arqyly ǵana emes, sonymen qatar jabaiy qonys aýdaratyn qustardan da taralýy múmkin.
