سولتٷستٸك قازاقستان وبلىسىنا بٸر اپتادان كەيٸن قاراعاندىداعى فارماتسەۆتيكالىق كەشەندە شىعارىلعان «سپۋتنيك V» ۆاكتسيناسى جەتكٸزٸلەدٸ. وسى كٷنگە دەيٸن 1025 ادام كوروناۆيرۋسقا قارسى رەسەيلٸك ەكپەنٸ الىپ ٷلگەردٸ, دەپ حابارلايدى «ۇلت اقپارات».
سقو-نىڭ باس سانيتار دەرٸگەرٸ ەسەت جۇماتاەۆ ٶڭٸردەگٸ كوروناۆيرۋس بويىنشا جاعدايدى بريفينگٸدەتە ايتىپ بەردٸ.
«قاڭتار ايىنىڭ ورتاسىنان باستاپ وبلىستا كوروناۆيرۋس جۇقتىرعاندار سانى ٶسٸپ, كٷندە ورتاشا 100-110 جاعدايدان تٸركەلٸپ وتىردى. وسىعان بايلانىستى كارانتيندٸك شەكتەۋلەردٸ قاتاڭداتۋعا تۋرا كەلدٸ. نەتيجەسٸندە ەپيدجاعداي تۇراقتالىپ وتىر. ٶتكەن اپتامەن سالىستىرعاندا اۋىرعاندار سانى 1,5 ەسەگە ازايعان. قازٸر تەۋلٸگٸنە جاڭادان ورتا ەسەپپەن 60-62 جاعداي تٸركەلەدٸ. سقو – «سارى ايماققا» كٸردٸ», - دەدٸ ەسەت جۇماتاەۆ.
مەسەلەن ٶتكەن تەۋلٸكتە سقو-دا 68 ادامدا كۆي انىقتالعان. قازٸر جۇقتىرعانداردىڭ جالپى سانى – 11 568. اۋىرعاندار سانىنىڭ ازايۋىنا بايلانىستى 13 اقپاننان باستاپ ٶڭٸردە باس سانيتار دەرٸگەردٸڭ جاڭا قاۋلىسى كٷشٸنە ەنەدٸ.
«بٸرقاتار نىساننىڭ جۇمىس ٸستەۋٸنە رۇقسات بەردٸك. كارانتين تالاپتارىن جەڭٸلدەتۋ – وبلىستان ۆيرۋس كەتتٸ دەگەن سٶز ەمەس. ول بٸزدٸڭ قاسىمىزدا. كەز كەلگەن ۋاقىتتا جۇقتىرۋىمىز مٷمكٸن. سول سەبەپتٸ بارلىعىن سانيتارييالىق تالاپتاردى ورىنداۋعا شاقىرامىن. ماسكا تاعۋ, ەلەۋمەتتٸك ارا قاشىقتىقتى ساقتاۋ, حالىق كٶپ جٷرەتٸن جەرلەرگە بارماۋ, قولدى جيٸ جۋۋ – كٷندەلٸكتٸ ەدەتكە اينالعانى جٶن. سونداي-اق قاۋٸپتٸ ۆيرۋستان ساقتانۋدىڭ تاعى بٸر تيٸمدٸ جولى – ۆاكتسينا الۋ. ۆاكتسينا قويۋعا شاقىرعان جاعدايدا ودان باس تارتپاي, ەگٸلٸڭٸز. بۇل ٶز باسىڭىزدى عانا ەمەس, جاقىندارىڭىزدىڭ دا دەنساۋلىعىن ساقتاۋعا كٶمەكتەسەدٸ», - دەدٸ سقو-نىڭ باس سانيتار دەرٸگەرٸ.
ماماننىڭ ايتۋىنشا, وبلىسقا اقپان ايىنىڭ ەكٸنشٸ جارتىسىندا قاراعاندىداعى فارماتسەۆتيكالىق كەشەندە شىعارىلعان «سپۋتنيك V» ۆاكتسيناسى جەتكٸزٸلەدٸ. ۆاكتسينا تەگٸن سالىنادى.
سقو دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, بٷگٸنگە دەيٸن 1025 ادام كوروناۆيرۋسقا قارسى ۆاكتسينا الدى. ەكپە ەگٸلگەندەردٸڭ جاعدايى جاقسى.
