سولتٷستٸك قازاقستان وبلىسىنداعى كيروۆ اتىنداعى زاۋىت كومپيۋتەر قۇراستىرۋدى قولعا الدى, دەپ حابارلايدى "ۇلت اقپارات".
سقو ەكٸمٸ باسپاسٶز قىزمەتٸنٸڭ مەلٸمەتٸنشە, بٷگٸن ٶڭٸر باسشىسى قۇمار اقساقالوۆ پەتروپاۆلداعى كيروۆ اتىنداعى زاۋىتتا بولىپ, كومپيۋتەرلٸك تەحنيكانى قۇراستىرۋ پروتسەسٸنٸڭ بارىسىن قاداعالادى.
كەسٸپورىن قىركٷيەك ايىنا دەيٸن 5 مىڭ كومپيۋتەردٸ قۇراستىرماق.
زاۋىت كومپيۋتەرلٸك تەحنيكانى بٸرگە شىعارۋعا «Great Wall» قىتايلىق كەسٸپورىنمەن كەلٸسٸمگە وتىردى. «Microsoft» كورپوراتسيياسىمەن دە تٸكەلەي كەلٸسٸم جاسالدى.
«بۇل جوبانىڭ بٸزدە بولعانى ٶتە ماڭىزدى. بٸرٸنشٸ كەزەڭدە كومپيۋتەرلەردٸ قۇراستىرامىز. ەكٸنشٸ كەزەڭدە پلاتالار شىعارىلا باستايدى. وعان ارنايى الىنعان جاڭا قوندىرعى بار. بٸز مامانداردى قىتايعا جٸبەرٸپ, وقىتامىز. كومپيۋتەرلەرگە سۇرانىس جوعارى. بٸز قازٸر مەكتەپتەرگە زاۋىتتان شىققان 2 مىڭ كومپيۋتەردٸ الىپ جاتىرمىز. كٶرشٸ وبلىستار دا قىزىعۋشىلىق تانىتىپ جاتىر. وسى جوبانىڭ ارقاسىندا جاڭا جۇمىس ورىندارى اشىلىپ جاتىر. تەك بٸرٸنشٸ پارتييانىڭ ەسەبٸنەن زاۋىت بيۋدجەتكە 120 ملن تگ سالىق تٶلەدٸ», - دەدٸ قۇمار اقساقالوۆ.
جالپى كەسٸپورىن 1 قىركٷيەككە دەيٸن «زيك» ماركالى 5 مىڭ كومپيۋتەردٸ قۇراستىرىپ شىعارۋى تيٸس. ال جاڭا جىلعا دەيٸن تاعى 50 مىڭ كومپيۋتەر مەن 50 مىڭ نوۋتبۋكتٸ ساۋداعا شىعارماق.
