سولتٷستٸك قازاقستان وبلىسىندا 15 سەۋٸردەن باستاپ تٷزەتۋ مەكەمەلەرٸندە جازاسىن ٶتەپ جاتقاندارعا كوروناۆيرۋسقا قارسى ۆاكتسينا ەگٸلە باستادى, دەپ حابارلايدى "ۇلت اقپارات".
سقو بويىنشا قىلمىستىق-اتقارۋ جٷيەسٸ دەپارتامەنتٸ باسپاسٶز قىزمەتٸنٸڭ مەلٸمەتٸنشە, سەۋٸر ايىنان باستاپ وبلىس بويىنشا ۆەدومستۆو قىزمەتكەرلەرٸنٸڭ جەكە قۇرامىن ۆاكتسيناتسييالاۋ باستالدى.
بٷگٸنگە دەيٸن قىزمەتكەرلەردٸڭ 93 %-ى كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸن الدى. سقو بويىنشا قاجد باستىعىنىڭ ورىنباسارى الەكساندر كوچكيننٸڭ ايتۋىنشا, ۆاكتسينا الۋدان قورقۋدىڭ كەرەگٸ جوق.
«ۆاكتسيناتسييادان كەيٸن دەرٸگەرلەر كٶپ سۋ ٸشٸپ, اۋىر جۇمىسپەن اينالىسپاۋ قاجەتتٸگٸن ايتىپ, ەككەن جەردٸ 3 كٷن بويى سۋلاماۋعا كەڭەس بەردٸ.
كەي قىزمەتكەرلەردە كەشكە قاراي تەمپەراتۋرا شامالى كٶتەرٸلدٸ.
دەرٸگەرلەردٸڭ ايتۋىنشا, بۇل اعزانىڭ قالىپتى رەاكتسيياسى. مەن ٶزٸمدٸ جاقسى سەزٸندٸم. بٸز «سپۋتنيك V» ۆاكتسيناسىن الدىق», - دەيدٸ الەكساندر كوچكين.
15 سەۋٸردەن باستاپ وبلىستا سوتتالعاندارعا ۆاكتسينا ەگٸلە باستادى.
بٸرٸنشٸ بولىپ قاۋٸپسٸزدٸگٸ بارىنشا تٶمەن - ەس 164/9 مەكەمەسٸنٸڭ 30 جازاسىن ٶتەۋشٸ ۆاكتسيناتسييالاندى.
«اۋرۋحانا تەراپەۆتٸ الدىمەن مەنٸڭ جاعدايىمدى تەكسەردٸ. سۇراقتار قويدى. تەك سوسىن عانا ۆاكتسينا الۋعا جٸبەردٸ. 30 مينۋتتان كەيٸن ەكپە ورنىن تەكسەرٸپ, اعزانىڭ رەاكتسيياسىن بايقادى. قازٸر ەكپەدەن كەيٸن جاعدايىم جاقسى, ەش ٶزگەرٸس بايقاعان جوقپىن», - دەيدٸ ا. ەسٸمدٸ سوتتالعان.
16 سەۋٸردە ەس-164/1 ارالاس قاۋٸپسٸزدٸك مەكەمەسٸ (تەرگەۋ يزولياتورى) سوتتالعاندارىنا ۆاكتسيناتسييا جٷرگٸزٸلسە, الداعى ونكٷندٸكتە سقو بويىنشا قاجد ەس-164/3,6 مەكەمەلەرٸندەگٸ جازاسىن ٶتەۋشٸلەر ەكپە الماق.
جالپى سقو بويىنشا پرەپاراتتىڭ بٸرٸنشٸ كومپونەنتٸن 17 مىڭ 826 ادام, ال ەكٸنشٸ كومپونەنتتٸ 2 مىڭ 693 ادام الدى.
