سولتٷستٸك قازاقستان وبلىسى بۋلاەۆ قالاسىندا تۇرعىن ٷي ٶرتەنٸپ, 3 ەرەسەك ادام مەن 4 جاسار بالا مەرت بولدى, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, بٷگٸن تاڭعى ساعات 7.00 شاماسىندا 112 قىزمەتٸنە م.جۇماباەۆ اۋدانى بۋلاەۆ قالاسىنداعى ستەپنايا, 31 مەكەنجايى بويىنشا تۇرعىن ٷيدٸڭ جانىپ جاتقاندىعى جٶنٸندە حابار تٷسەدٸ. كٶرشٸلەرٸنٸڭ ايتۋىنشا, باسپانادا بٸر وتباسى تۇرعان.
وقيعا ورنىنا ٶرت سٶندٸرۋشٸلەر جەتكەن كەزدە ٷيدٸڭ شاتىرى جالىنعا ورانىپ ٷلگەرٸپتٸ. كٶپ ۇزاماي باسپاناداعى گاز باللونى جارىلىپ, ٷيدٸڭ تٶبەسٸ وپىرىلىپ تٷستٸ.
ٶرتتٸ سٶندٸرۋ بارىسىندا ٶرت سٶندٸرۋشٸلەر ٷيدەن 4 ادامنىڭ دەنەسٸن الىپ شىقتى, ولار: 1993 جىلى تۋعان ٷي يەسٸ ەر ادام, ونىڭ 1992 جىلى تۋعان ەيەلٸ, ولاردىڭ 2017 جىلى تۋعان ۇلى جەنە ەيەل ادام. بٷگٸندە ول ەيەلدٸڭ كٸم ەكەندٸگٸ انىقتالىپ جاتىر.
«ٶرت تولىقتاي ساعات 14.00 شاماسىندا سٶندٸرٸلدٸ. ٷي تۇتاس جانىپ كەتتٸ.
قازٸر كەلگەن شىعىن مٶلشەرٸ جەنە ٶرتتٸڭ نەدەن شىققانى انىقتالىپ جاتىر.
قازا تاپقانداردىڭ تۋىستارىمەن پسيحولوگتار جۇمىس ٸستەۋدە», - دەدٸ سقو تٶتەنشە جاعدايلار دەپارتامەنتٸ باسقارماسىنىڭ باستىعى دميتريي راستيحين.
جالپى جىل باسىنان سقو-دا 96 ٶرت بولىپ, 15 ادام قازا تاپتى, 9 ادام جاراقات الدى. كەلگەن ماتەريالدىق شىعىن 27 ملن تەڭگەدەن ارتىق.
دميتريي راستيحيننٸڭ ايتۋىنشا, ٶرتتەردٸڭ 78 %-ى جەكە سەكتورعا تيەسٸلٸ. قازا تاپقانداردىڭ بارلىعى وسى جەر ٷيلەردٸڭ تۇرعىندارى.
