سولتٷستٸك قازاقستان وبلىسىنداعى كٶلدەردە قولدان وتتەگٸمەن بايىتۋ جۇمىستارى جٷرگٸزٸلٸپ جاتىر, دەپ حابارلايدى "ۇلت اقپارات".
بالىقتاردى قۇتقارۋ وپەراتسيياسى اەراتسييا تەسٸلٸمەن جٷزەگە اسىرىلادى.
كٶلدٸڭ بەتٸنە ويىق جاسالىپ, سۋ وتتەگٸمەن بايىتىلادى.
«اەراتسييا جاساۋ ٷشٸن موتورلى بۇرعىلار, موتوسورعىلار, اەراتورلار جەنە سۋداعى وتتەگٸنٸ ٶلشەيتٸن اكسيومەتر قاجەت. بيىل بالىقتى قۇتقارۋعا قاڭتار ايىنىڭ ورتاسىنان باستاپ كٸرٸستٸك. قىس ايازدى بولدى, قار قالىڭ جاۋدى. كەي كٶلدەردە مۇز قاباتى 1 مەترگە دەيٸن جەتەدٸ. ونىڭ ٷستٸندە 80 سم-گە دەيٸن جەتەتٸن قار جابىندىسى بار. اۋا جەتپەگەندٸكتەن, ەسٸرەسە تاياز كٶلدەردەگٸ بالىقتار قىرىلىپ قالۋى مٷمكٸن», - دەيدٸ سوكولوۆ مەملەكەتتٸك مەكەمەسٸنٸڭ مامانى سەرگەي بريۋحوۆ.
قىزىلجار اۋدانىنداعى پرۋد كٶلٸ – تاياز كٶلدەر قاتارىنان. اۋماعى 50 گا الىپ جاتىر. مۇندا مٶڭكە بالىعى كٶپ كەزدەسەدٸ. قازٸر كٶل سۋىنىڭ قۇرامىنداعى وتتەگٸ مٶلشەرٸ نەبارى 1,2 % عانا قۇراعان. بالىقتاردى قۇتقارۋ ٷشٸن كٶل ٷستٸندە قاجەتتٸ تەحنيكامەن 8 ادام جۇمىس ٸستەپ جاتىر.
«سوكولوۆ مەملەكەتتٸك مەكەمەسٸنٸڭ رەزەرۆٸندە وسىنداي 23 كٶل بار. وبلىس بويىنشا بالىق شارۋاشىلىعىنا جارامدى 500-دەي سۋ قويماسى بولسا, سونىڭ 300-ٸ جالعا بەرٸلگەن. جالعا العاندار اەراتسييانى ٶز كٷشتەرٸمەن جٷرگٸزەدٸ. ال, بالىقتاردىڭ قىرىلۋىنا جول بەرگەن جاعدايدا ولارمەن جاسالعان كەلٸسٸمشارت بۇزىلادى, جاۋاپكەرشٸلٸككە تارتىلادى.
ال رەزەرۆتٸك سۋ قويمالارىندا جەرگٸلٸكتٸ اتقارۋشى ورگانداردىڭ كٶمەگٸمەن بۇل جۇمىستار جٷزەگە اسىرىلادى. سۋدى وتتەگٸمەن بايىتۋعا جازدا وسى كٶلدەردە بالىق اۋلايتىن بالىقشىلار دا بيىل ۆولونتەر رەتٸندە كٶمەك بەرٸپ جاتىر», - دەيدٸ سقو تابيعي رەسۋرستار جەنە تابيعاتتى پايدالانۋدى رەتتەۋ باسقارماسىنىڭ بٶلٸم جەتەكشٸسٸ ەرلان تەشٸموۆ.
