سولتٷستٸك قازاقستان وبلىسىندا پوليتسەيلەر «استىق» جەدەل-پروفيلاكتيكالىق ٸس-شاراسى اياسىندا قىرمان باسىندا جاسالعان ۇرلىقتى اشتى, دەپ حابارلايدى قازاقپارات.
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, تايىنشا اۋدانىنىڭ پوليتسييا بٶلٸمٸ قىزمەتكەرلەرٸ «استىق» جەدەل-پروفيلاكتيكالىق ٸس-شاراسى بارىسىندا منوگوتسۆەتنوە ەلدٸ مەكەنٸندەگٸ قىرماننان جاسىمىق ۇرلادى دەگەن كٷدٸكپەن اۋدان ورتالىعى تايىنشانىڭ تۇرعىندارىن ۇستادى. اۋىل تۇرعىندارى وسىنداي بٸرنەشە ۇرلىققا قاتىستى بولۋى مٷمكٸن.
بٸرەر كٷن بۇرىن اۋدان ورتالىعى تايىنشادان 15 شاقىرىم قاشىقتىقتا ورنالاسقان منوگوتسۆەتنوە اۋىلى ماڭىنداعى كەسٸپورىنداردىڭ بٸرٸنەن جۇمىسشىلار 4 توننا جاسىمىقتىڭ ۇرلانعانىن بايقاعان. بۇل فاكتٸ تۋرالى پوليتسەيلەرگە حابارلانادى.
تايىنشا اۋدانى پوليتسييا بٶلٸمٸ باستىعى نۇرلىجان اقتانوۆتىڭ سٶزٸنشە, ۇرلىق قىركٷيەك بويى جاسالىپ كەلگەن. جەدەل-ٸزدەستٸرۋ ٸس-شارالارى نەتيجەسٸندە كٷدٸكتٸلەر انىقتالىپ, ۇستالدى. ولار وسى توكتا جۇمىس ٸستەيتٸن تايىنشانىڭ ەكٸ تۇرعىنى بولىپ شىقتى. ۇرلانعان جاسىمىقتىڭ جالپى سالماعى 40 توننا, شىعىن سوماسى 11 ملن تەڭگە شاماسىندا.
جاسىمىقتى قىرماننان شىعارۋعا بەس تەحنيكا - 2 كاماز, 2 زيل جەنە جٷك تيەگٸش پايدالانىلعان. قازٸرگٸ ۋاقىتتا تەحنيكانى جٷرگٸزگەن ەكٸ جۇمىسشىنىڭ قىلمىسقا قاتىستىلىعى تەكسەرٸلٸپ جاتىر. ۇرلانعان ٶنٸم وسى اۋدانداعى اۋىلداردىڭ بٸرٸنە ٶتكٸزٸلٸپ وتىرعان. جاسىمىقتىڭ بٸر بٶلٸگٸ الىندى.
اتالعان فاكتٸ سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸنە ەنگٸزٸلدٸ. ۇستالعانداردىڭ ەكەۋٸ ۋاقىتشا ۇستاۋ يزولياتورىنا قامالدى. تەرگەۋ امالدارى جٷرگٸزٸلٸپ جاتىر.
