سولتٷستٸك قازاقستان وبلىسىندا «inDriver» موبيلدٸك قوسىمشاسى ارقىلى جولاۋشى تاسىعان جٷرگٸزۋشٸ رۋلگە ەسٸرتكٸ شەگٸپ وتىرعانى انىقتالدى, دەپ حابارلايدى سقو پوليتسييا دەپارتامەنتٸ باسپاسٶز قىزمەتٸ.
ەسٸرتكٸگە ەلٸتكەن كٶلٸك جٷرگٸزۋشٸسٸ «قاراسورا-2020» جەدەل-پروفيلاكتيكالىق ٸس-شاراسى اياسىندا قولعا تٷستٸ. ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ پەتروپاۆل قالاسىنان شىعىپ كەلە جاتقان اۆتوكٶلٸكتٸ تەكسەرگەن. «BMW» رۋلٸندە ع. مٷسٸرەپوۆ اتىنداعى اۋداننىڭ ورتالىعى نوۆويشيمسكوە ەلدٸمەكەنٸنٸڭ 43 جاستاعى تۇرعىنى بولعان. كٶلٸك سالونىندا جٷرگٸزۋشٸدەن بٶلەك, 3 جولاۋشى بولعان.
كٶلٸكتٸ قاراۋ كەزٸندە شىنتاققويعىشتىڭ ٸشٸنەن 2 پوليەتيلەن پاكەتكە سالىنعان ٶسٸمدٸك تەكتەس زات الىندى. ەسٸرتكٸ ٸزدەۋگە ماشىقتانعان بۋچ اتتى سپانيەل يت ونى بٸردەن تاپتى. ساراپتاما الىنعان زاتتىڭ جالپى سالماعى 220 گرامم ەسٸرتكٸ ەكەنٸن كٶرسەتتٸ. كٶلٸك جٷرگٸزۋشٸسٸ بۇعان دەيٸن دە بٸرنەشە مەرتە ٸستٸ بولعان ەكەن.
بۇدان بٶلەك, جٷرگٸزۋشٸنٸ تەكسەرٸستەن ٶتكٸزۋ بارىسىندا ونىڭ ەسٸرتكٸگە ەلٸتكەنٸ انىقتالدى. ول «inDriver» قوسىمشاسى ارقىلى ەكٸ جولاۋشىنى الماستان بۇرىن ماريحۋانا شەككەنٸن راستادى. سٶزٸنە قاراعاندا, ەسٸرتكٸنٸ 2 جىل بويى قولدانىپ كەلەدٸ.
سقو پد ەسٸرتكٸ قىلمىسىنا قارسى ٸس-قيمىل باسقارماسى باستىعىنىڭ ورىنباسارى يۆان تەرزيديدٸڭ سٶزٸنشە, جٷرگٸزۋشٸگە قاتىستى قر ەكٸمشٸلٸك قۇقىق بۇزۋشىلىقتار تۋرالى كودەكسٸنٸڭ 608-بابى بويىنشا ەكٸمشٸلٸك حاتتاما تولتىرىلدى. ۇستالعان ادام پەتروپاۆل قالاسىنىڭ سوتىمەن 15 تەۋلٸككە قاماققا الىنىپ, كٶلٸك باسقارۋ قۇقىعىنان 7 جىلعا ايىرىلدى.
بۇعان دەيٸن سولتٷستٸكقازاقستاندىق ساقشىلار كٶلٸكتٸ ەسٸرتكٸلٸك ماس كٷيدە جٷرگٸزۋدٸڭ ٷش دەرەگٸن انىقتاعان ەدٸ.
