سولتٷستٸك قازاقستان وبلىسىندا يتتٸ ۇرىپ ٶلتٸرٸپ, كەيٸن سويىپ جەگەن ٷش تۇرعىنعا قاتىستى قىلمىستىق ٸس قوزعالدى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 22 تامىز كٷنٸ بولشايا مالىشكا ەلدٸ مەكەنٸنٸڭ تۇرعىنى پوليتسيياعا ارىزداندى. ايتۋىنشا, ٷش اۋىلداسى ونىڭ يتٸن جەپ قويعان. ول ٷشەۋدٸڭ بٸرەۋٸنە 6 مىڭ تەڭگە قارىز بولعان. سونىڭ ٶتەۋٸ رەتٸندە يتٸن بەرگەن. الايدا اۋىلداستارى ول يتتٸ ٷي كٷزەتۋ ٷشٸن ەمەس, جەۋ ٷشٸن العان ەكەن.
ٷش ەر ادام يتتٸ ەسٸل ٶزەنٸنٸڭ جاعاسىندا ۇرىپ ٶلتٸرٸپ, سويىپ, وتقا قاقتاپ جەگەن. يتتٸڭ قىڭسىلى مەن ونى ۇرىپ جاتقانىن جاقىن ماڭدا بالىق اۋلاپ وتىرعان 12 مەن 16 جاستاعى ەكٸ جاسٶسپٸرٸم ەستيدٸ. كەيٸن ٷيٸنە كەتٸپ بارا جاتقان بالالاردىڭ بٸرٸ ٷش اۋىلداسىنىڭ سارى يتتٸ اعاشقا اسىپ قويىپ, مٷشەلەپ جاتقانىن كٶرگەن.
اۋداندىق پوليتسييا بٶلٸمٸنٸڭ قىزمەتكەرلەرٸ 1987 جىلى تۋعان كٷدٸكتٸنٸ ۇستادى. ونىڭ قاسىندا بولعان 1986 جەنە 1982 جىلى تۋعان ەكٸ سىيبايلاسىنان جاۋاپ الىندى. اتالعان فاكتٸ سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە «جانۋارلارعا قاتىگەزدٸك جاساۋ» بابى بويىنشا تٸركەلدٸ. كٷدٸكتٸگە قاتىستى كەلۋگە مٸندەتتەلۋ تٷرٸندە بۇلتارتپاۋ شاراسى تاعايىندالدى.
«وقيعاعا قاتىسى بارلاردىڭ بٸرٸ يتتٸڭ ەتٸن جەۋدەن باس تارتقان. الايدا ٷشەۋٸ دە ٶز ەرەكەتتەرٸن وعاشتىق بايقامايدى. سوت ولاردىڭ پٸكٸرٸن ٶزگەرتەدٸ دەگەن سەنٸمدەمٸز. جانۋارلارعا قاتىگەزدٸك كٶرسەتكەندەرگە زاڭ بويىنشا 120 اەك مٶلشەرٸندە ايىپپۇل نەمەسە سول مٶلشەردە تٷزەۋ جۇمىستارىنا, نە 120 ساعاتقا دەيiنگi مەرزiمگە قوعامدىق جۇمىستارعا تارتۋ, نە بولماسا 30 تەۋلٸككە دەيٸنگٸ مەرزٸمگە قاماققا الۋ جازاسى قاراستىرىلعان», - دەدٸ قىزىلجار اۋدانى پب باستىعى ەليحان بايقاداموۆ.
