سولتٷستٸك قازاقستان وبلىسىندا 21 جاستاعى بويجەتكەن اتا-اناسىن ەسكەرتپەي كەتٸپ قالعان, پوليتسەيلەر ونى بٸر اپتادان كەيٸن الماتىدان تاپتى, - دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, ٸز-تٷزسٸز جوعالعانداردى ٸزدەستٸرۋ - كريمينالدىق پوليتسييا جۇمىسىنىڭ بٸر باعىتى. ادامدار تٷرلٸ سەبەپتەرمەن جوعالادى. تەرتٸپ ساقشىلاردىڭ ايتۋىنشا, ولار ٷيدەن ەسكەرتۋسٸز كەتكەن كەزدە جاقىندارىن ويلامايدى.
اتا-اناسىمەن تۇراتىن 21 جاستاعى قىز ٷيٸنەن ەشكٸمدٸ ەسكەرتپەي كەتٸپ قالىپ, پوليتسەيلەر مەن ۆولونتەرلەر ونى بٸر اپتا بويى ٸزدەدٸ. بويجەتكەننٸڭ جوعالعانى تۋرالى ارىز كەلٸپ تٷسكەننەن كەيٸن باعدار بارلىق سىرتقى قىزمەتتەرگە تاراتىلعان. جەدەل ۋەكٸلدەر جوعالعان قىزدىڭ جٷرۋٸ مٷمكٸن جەرلەردٸ, تانىستارىن تەكسەردٸ. نەتيجەسٸندە ونىڭ الماتىعا كەتكەنٸ بەلگٸلٸ بولدى.
قىزمەتتٸك ٸسساپار كەزٸندە سقو پوليتسييا دەپارتامەنتٸ كريمينالدىق پوليتسييا باسقارماسىنىڭ قىزمەتكەرلەرٸ بويجەتكەننٸڭ الماتىدا جٷرگەن جەرٸن انىقتادى. قىزدىڭ ايتۋىنشا, ول وقۋ مەسەلەسٸن شەشۋ ٷشٸن كەتكەن.
«اتا-اناسىنا قىزىنىڭ امان ەكەندٸگٸن ايتتىق. ٷيدەن نەگە ەسكەرتپەي كەتكەنٸن ول ايتقان جوق. ٶكٸنٸشكە قاراي, بۇنداي جاعدايلار جيٸ كەزدەسەدٸ. ٸزدەۋ جۇمىستارىنا كٶپ ادام تارتىلادى, قانشاما ۋاقىت جۇمسالادى. ەسكەرتۋسٸز كەتكەن ادام جاقىندارىنىڭ ويلاپ, ۋايىمدايتىنىنا مەن بەرمەيدٸ نەمەسە ٶزٸنٸڭ جوسپارلارى تۋرالى ايتۋدى ۇمىتىپ كەتەدٸ. جانجالدان كەيٸن نەمەسە ٶزٸن ەرەسەك ادام رەتٸندە كٶرسەتۋ ٷشٸن وسىنداي قادامعا باراتىندار بار», - دەيدٸ سقو پوليتسييا دەپارتامەنتٸ كريمينالدىق پوليتسييا باسقارماسىنىڭ باستىعى پەتر كليموۆ.
جالپى جىل باسىنان وبلىستا 23 ادامعا ٸزدەۋ جارييالاندى. قازٸرگٸ ۋاقىتتا ونىڭ 17-سٸنٸڭ جٷرگەن جەرٸ انىقتالدى.
