سولتٷستٸك قازاقستان وبلىسىندا ورماندا جيدەك تەرٸپ جٷرگەن ەيەل وققا ۇشتى. 51 جاستاعى تۇرعىندى قۇس اتۋعا شىققان ازامات بايقاماي اتىپ تاستاعان, - دەپ حابارلايدى "ۇلت اقپارات" "استانا" تەلەارناسىنا سٸلتەمە جاساپ.
قۇزىرلى ورگانداردىڭ ايتۋىنشا, وقيعا جامبىل اۋدانىنىڭ باۋمان اۋىلىندا بولعان. وق جەبٸرلەنۋشٸنٸڭ كەۋدەسٸنە تيٸپتٸ.
پروكۋراتۋرا دەرەگٸنشە, وق تيگەن التىناي مۇزداقباەۆانى اڭشىنىڭ ٶزٸ اۋرۋحاناعا اپارعان. الايدا اۋىر جاراقاتتانعان 51 جاستاعى ەيەل ەمدەۋ ورنىنا جەتپەي, جولدا كٶز جۇمىپتى.
بۇل جايتقا قاتىستى قىلمىستىق ٸس قوزعالىپ, تەرگەۋ جۇمىستارى جٷرگٸزٸلٸپ جاتىر.
"بۇل قىلمىستى جاساعان ادام انىقتالعان. ول ٶز كٸنەسٸن مويىنداپ وتىر. قر قىلمىستىق پروتسەسسۋالدىق كودەكسٸنٸڭ 128 بابىنىڭ تەرتٸبٸ بويىنشا ۇستالىپ, جامبىل اۋداندىق ۋاقىتشا ۇستاۋ يزولياتورىنا قامالدى" - دەيدٸ اۋدان پروكۋرورى تالعات تٶلەگەنوۆ.
