سولتٷستٸك قازاقستان وبلىسىنا كوروناۆيرۋسقا قارسى 1200 دوزا ۆاكتسينا جەتكٸزٸلسە, سونىڭ 900-ٸ مەدقىزمەتكەرلەرگە سالىندى. ەكپە العانداردىڭ جاعدايلارى جاقسى, دەپ حابارلايدى "ۇلت اقپارات".
سقو-داعى كوروناۆيرۋس ينفەكتسيياسىنا قاتىستى جاعداي بويىنشا بٷگٸن دەنساۋلىق ساقتاۋ باسقارماسى باسشىسىنىڭ ورىنباسارى قۇمار كٷسەمٸسوۆ پەن وبلىستىڭ باس سانيتار دەرٸگەرٸ ەسەت جۇماتاەۆ ايتىپ بەردٸ.
ەسەت جۇماتاەۆ ٶڭٸردە العاشقىلاردىڭ بٸرٸ بولىپ كۆي-عا قارسى ەكپە جاساتتى.
«1-اقپان كٷنٸ ۆاكتسينا ەگٸلدٸ. بٸرٸنشٸ كٷنٸ, ەرينە ينە سالعان جەر اۋىردى. ەلسٸزدٸك بولدى. ۆاكتسينا العانىما بٷگٸن ٷشٸنشٸ كٷن. ٶزٸمدٸ جاقسى سەزٸنەمٸن. اۋىتقۋلار بولعان جوق. سول سەبەپتٸ بارلىعىن ەكپە سالۋعا شاقىرتۋ تٷسكەندە ودان باس تارتپاۋعا شاقىرامىن. وسىلايشا بٸز ٶزٸمٸزدٸڭ عانا ەمەس, جاقىندارىمىزدىڭ دەنساۋلىعىن دا قورعايمىز», - دەدٸ سقو-نىڭ باس سانيتار دەرٸگەرٸ.
قازٸرگٸ تاڭدا سقو-دا مەديتسينا قىزمەتكەرلەرٸنٸڭ 900-ٸ ۆاكتسينا الىپ ٷلگەردٸ.
«ٶڭٸردە ۆاكتسينا قويۋ جوسپارلى تٷردٸ ٶتٸپ جاتىر. ەكپە العاندار دەرٸگەرلەردٸڭ باقىلاۋىندا. ٷش كٷن بويى قوڭىراۋ شالىپ, جاعدايلارىن بٸلٸپ تۇرادى. وسى كٷنگە دەيٸن ەشقانداي اسقىنۋلار تٸركەلگەن جوق.
يممۋندىق ۆاكتسينا بولعاندىقتان ونىڭ اعزاعا ٶز ەسەرٸ بار. العاشقى كٷندەرٸ دەنە قىزۋى كٶتەرٸلٸپ, ينە سالعان جەر اۋىرۋى مٷمكٸن. ەلسٸزدٸك بولادى. بۇل – قالىپتى جاعداي.
ۆاكتسينا العانداردىڭ ٸشٸندە 4 ادامدا دەنە قىزۋى 37,5-38 گرادۋسقا دەيٸن كٶتەرٸلدٸ. ولار پاراتسەتامول ٸشتٸ», - دەيدٸ دەنساۋلىق ساقتاۋ باسقارماسى باسشىسىنىڭ ورىنباسارى قۇمار كٷسەمٸسوۆ.
دەرٸگەردٸڭ ايتۋىنشا, مەديتسينا قىزمەتكەرلەرٸنٸڭ اراسىندا ەكپە جاساتۋدان باس تارتقاندار بولماعان.
«مەديتسينا قىزمەتكەرلەرٸ ۆاكتسينا الۋدىڭ قانشالىقتى ماڭىزدى ەكەنٸن جاقسى تٷسٸنەدٸ. ٶيتكەنٸ بٷگٸنگٸ تاڭدا كۆي-مەن كٷرەستٸڭ ەڭ تيٸمدٸ جولى وسى ۆاكتسينا سالعىزۋ. ٶيتكەنٸ ەزٸرگە ۆيرۋستى جوياتىن پرەپاراتتار تابىلعان جوق.
كارانتيندٸك شەكتەۋ شارالارىنىڭ, ەرينە, جۇقتىرعاندار سانىن ازايتۋدا نەتيجەسٸ بار. بٸراق بۇل ينفەكتسييانى بٸز ۇجىمدىق يممۋنيتەت الۋ ارقىلى عانا جەڭە الامىز», - دەدٸ قۇمار كٷسەمٸسوۆ.
سقو-دا بٷگٸندە كوروناۆيرۋس ينفەكتسيياسىن جۇقتىرعاندار سانى 11 179 ادامعا جەتتٸ. ٶڭٸردٸڭ ينفەكتسييالىق ستاتسيونارلارىندا قازٸر 452 ادام ەم الىپ جاتىر. ەمدەۋ ورىندارى 38 %-عا عانا تولىق.
