«سق فارماتسييا» جشس-نىڭ بۇرىنعى باسقارما تٶراعاسى بەرٸك شەرٸپ 2 ايعا قاماۋعا الىندى, دەپ حابارلايدى "ۇلت اقپارات".
«نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كٷدٸكتٸ بەرٸك شەرٸپكە قاتىستى 2 اي مەرزٸمگە تۇتقىنعا الۋ تٷرٸندەگٸ بۇلتارتپاۋ شاراسىنا سانكتسييا بەردٸ», - دەدٸ ەلوردالىق سوتتىڭ باسپاسٶز حاتشىسى بوتاگٶز بايانوۆا.
بۇعان دەيٸن قر سىبايلاس جەمقورلىققا قارسى ٸس-قيمىل اگەنتتٸگٸ بٸرٸنشٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بيعايداروۆ «سك فارماتسييا» جشس-نىڭ بۇرىنعى باسقارما تٶراعاسى ۇستالىپ, نۇر-سۇلتان قالالىق پوليتسييا دەپارتامەنتٸنٸڭ ۋاقىتشا تەرگەۋ يزولياتورىنا قامالعانىن ايتقان ەدٸ.
ايتا كەتەيٸك, مەملەكەت باسشىسى قاسىم-جومارت توقاەۆتىڭ تٶراعالىعىمەن ٶتكەن ٷكٸمەتتٸڭ كەڭەيتٸلگەن وتىرىسىندا مەمس قورى مەن «سق فارماتسييا» باسشىلارىن جۇمىستان شىعارۋدى تاپسىرعان بولاتىن. كەيٸن «سق فارماتسييا» قىزمەتٸندە تەكسەرۋ باستالدى.
