22 تامىز كٷنٸ اقتٶبە قالالىق №2 سوتىنىڭ سۋدياسى ەليما ەدٸلوۆا سيرييادان ورالعان سوڭ تەرروريزم كٷدٸگٸنە ٸلٸنگەن جەرگٸلٸكتٸ تۇرعىن اقمارال الماعامبەتوۆانى بەس جىلعا باس بوستاندىعىنان ايىرۋ تۋرالى ٷكٸم شىعاردى.
سوت شەشٸمٸنە سەيكەس, الماعامبەتوۆا جازاسىن قاۋٸپسٸزدٸگٸ ورتاشا (جالپى رەجيمدەگٸ) كولونييادا ٶتەيتٸن بولادى, دەپ حابارلادى اقتٶبە وبلىستىق سوتىنىڭ باسپاسٶز قىزمەتٸ.
سوتتالۋشىنىڭ ادۆوكاتى نازگٷل دٷيسەنبەكوۆانىڭ ازاتتىققا ايتۋىنشا, ٷكٸم شىققان كٷنٸ سوت زالىندا اقمارال الماعامبەتوۆانىڭ تۋىستارى بولماعان. ٷكٸم ەلٸ كٷشٸنە ەنگەن جوق.
قازاقستان بيلٸگٸنٸڭ "جۋسان" ارنايى وپەراتسيياسى اياسىندا بيىل كٶكتەمدە سيرييادان ەلگە قايتارىلعان سوڭ 32 جاستاعى اقمارال الماعامبەتوۆاعا تەرگەۋ ورىندارى "تەرروريزمدٸ ناسيحاتتادى", "ۇلتتىق الاۋىزدىق تۋدىردى" دەگەن ايىپتار تاققان ەدٸ. 22 شٸلدەدە ٶتكەن العاشقى سوت وتىرىسىندا الماعامبەتوۆا ٶزٸنە تاعىلعان ايىپتاردى تولىق مويىنداپ, پروتسەستٸك كەلٸسٸمگە دايىن ەكەنٸن ايتقان. قىلمىستىڭ سارالانۋىمەن كەلٸسپەگەن سۋديا 23 شٸلدەدە الماعامبەتوۆانىڭ ٸسٸن جاڭا پروتسەستٸك كەلٸسٸم جاساۋ ٷشٸن پروكۋراتۋراعا قايتارعان بولاتىن.
تەرگەۋ ماتەريالدارى بويىنشا, اقمارال الماعامبەتوۆا زاڭدى نەكەدەگٸ كٷيەۋٸنەن 2013 جىلعى مامىر ايىندا شاريعات جولىمەن اجىراسقان سوڭ كٶپ ۇزاماي ٷش بالاسىن وعان قالدىرىپ, شەتەلگە كەتكەن. 2014 جىلعى قاڭتاردا اقتٶبەدە قالعان كٷيەۋٸنە سيرييادان حابارلاسىپ, قاقتىعىس ايماعىندا جٷرگەنٸن ايتقان. كەيٸن بٸرنەشە رەت اۋديو جەنە جازباشا حابارلاما جولداپ, بالالارىنىڭ ەكەسٸنە دايش () ەكسترەميستٸك ۇيىمىنىڭ "يدەيالارىن ناسيحاتتاعان".
تەرگەۋدٸڭ دەرەگٸنشە, اقمارال الماعامبەتوۆا سوڭعى التى جىلدا سيريياداعى بٸرنەشە قالانى مەكەندەگەن. سوڭعى تۇراعى وسى ەلدٸڭ سولتٷستٸگٸندەگٸ كوباني قالاسىنان كٷرد جاساعىنىڭ كٶمەگٸمەن بوسقىندار لاگەرٸنە جەتٸپ, 2019 جىلعى 9 مامىردا "جۋسان" وپەراتسيياسى اياسىندا قازاقستانعا سيرييادا 2015 جەنە 2017 جىلدارى دٷنيەگە كەلگەن ەكٸ بالاسىمەن بٸرگە جەتكٸزٸلگەن.
ونىڭ ەكٸ بالاسى قازٸر مەملەكەت قاراۋىندا. اقتٶبەدە ولار تەربيەلەنٸپ جاتقان سەبيلەر ٷيٸنٸڭ اتى-جٶنٸن اتاعىسى كەلمەگەن قىزمەتكەرٸ ازاتتىققا بالالاردىڭ دەنساۋلىعى جاقسى ەكەنٸن ايتتى.
بيىل 7-9 مامىر ارالىعىندا "جۋسان" ارنايى وپەراتسيياسىمەن سيرييادان قازاقستانعا جەتكٸزٸلگەندەردٸڭ ٸشٸندە الماعامبەتوۆادان بٶلەك تاعى بٸرنەشە اقتٶبەلٸكتٸڭ ٷستٸنەن قىلمىستىق ٸس قوزعالعان. ولاردىڭ بٸرٸ - 30 جاستاعى زارينا اقمالاەۆا "تەرروريزمدٸ ناسيحاتتاۋ", "دٸني الاۋىزدىق قوزدىرۋ" باپتارى بويىنشا ايىپتى دەپ تانىلىپ, شٸلدەنٸڭ سوڭىندا سوت ٷكٸمٸمەن بەس جىلعا باس بوستاندىعىنان ايىرىلدى. زارينا اقمالاەۆانىڭ ٶزٸمەن بٸرگە قازاقستانعا سيرييادان جەتكٸزٸلگەن كەمەلەتكە تولماعان ەكٸ بالاسى قازٸر ناعاشى ەجەلەرٸنٸڭ تەربيەسٸندە.
2018 شٸلدە ايىندا قازاقستان ۇلتتىق قاۋٸپسٸزدٸك كوميتەتٸ (ۇقك) تاياۋ شىعىستا سوعىس باستالعالى بەرٸ سيرييا مەن يراكقا قازاقستاننىڭ 800-گە جۋىق ازاماتى كەتكەنٸ تۋرالى حابارلاعان. ۇقك مەلٸمەتٸنشە, سيرييا مەن يراكتاعى حالىقارالىق تەررورلىق ۇيىمدار قاتارىندا قازاقستاندىق 120 ەر, 250-دەن استام ەيەل جەنە كەمەلەتكە تولماعان 500 بالا بولعان.
2019 جىلى قازاقستان بيلٸگٸ "جۋسان" وپەراتسيياسى بارىسىندا سيرييادان ەلگە 516 ادامدى جەتكٸزگەن, ولاردىڭ 360-ى - بالا. بۇعان دەيٸن بيلٸك ەلگە جاڭادان ورالعانداردىڭ بٸراز ۋاقىت وڭالتۋ ورتالىعىندا بولاتىنىن حابارلاعان.
