ح.بٶكەەۆا اتىنداعى باتىس قازاقستان وبلىستىق قازاق دراما تەاترىندا «جۋسان» پسيحولوگييالىق دراماسىنىڭ پرەمەراسى بولدى, دەپ حابارلايدى قازاقپارات.
بۇل – ەلباسى تاپسىرماسىنا سەيكەس قازاقستان ازاماتتارىن سيرييانىڭ قاقتىعىس ايماقتارىنان قايتارۋ بويىنشا جٷزەگە اسىرىلعان «جۋسان» وپەراتسيياسى تۋرالى قويىلعان ەلٸمٸزدەگٸ العاشقى سپەكتاكل.
دراما اۆتورى – جاس اقىن, «سەمسەر» ەدەبي سىيلىعىنىڭ يەگەرٸ مارلەن عيلىمحان. بۇل – ونىڭ وسى سالاداعى تىرناقالدى تۋىندىسى. ٶزٸنٸڭ ايتۋىنشا, شىعارمانى جازۋ بٸر بٶلەك تە, ونىڭ ساحنالانۋى دا ەرەكشە بولادى.
سپەكتاكلدٸ رەجيسسەر سامال ەبۋوۆ ساحنالاسا, سۋرەتشٸسٸ – مۇرات مەمبەتوۆ.
قويىلىم جات جەردەگٸ سوعىسقا بارىپ, ودان «جۋسان» وپەراتسيياسى نەتيجەسٸندە ەلگە ورالعانداردىڭ تاعدىرىن بەينەلەيدٸ: قاتىگەز دە قاراڭعى ٶمٸرگە تاپ بولىپ, بٸرەۋدٸڭ قولىنداعى قولجاۋلىققا اينالىپ, سودان تەپەرٸش كٶرگەن ادامدار. الدى وققا ۇشسا, ارتى تٷرمەگە قامالىپ جاتقان جاستار.
«جۋسان» وپەراتسيياسىمەن ەلگە قايتقان قاراقات ەسٸمدٸ جاس كەلٸنشەكتٸ جۇلدىز مامەدوۆا سومداسا, قۇرالبەك قاتشاەۆ, سالاۋات تٷمەنوۆ, دارىن مۇحتاروۆ, قازاقستاننىڭ ەڭبەك سٸڭٸرگەن قايراتكەرٸ ەسەل مەمبەتوۆا, جىلقىباي جۇباتوۆ, نازگٷل باتانوۆا, اسىلجان جاكيندەر دە ٶز رٶلدەرٸن بارىنشا نانىمدى الىپ شىعا بٸلگەن.
ەڭ باستىسى, سپەكتاكل كٶرەرمەندەردٸ ويلاندىرادى, ابايسىزدا وت باسۋدان ساقتاندىرادى.
«مۇنداي ٶتە كٷردەلٸ, ٶزەكتٸ تاقىرىپقا بارۋ وڭاي ەمەس, ساقتىقتى, ٷلكەن دايىندىقتى قاجەت ەتەدٸ. وسى ورايدا تەولوگ ماماندارمەن دە اقىلداستىق. كٶرەرمەندەردٸڭ قابىلداۋى جامان ەمەس, جىلى پٸكٸرلەر ايتىلىپ جاتىر. الداعى ۋاقىتتا تەاترعا باسقا ەلدەردەن دە رەجيسسەرلار كەلٸپ, ٶز سپەكتاكلدەرٸن قويماقشى. مۇنداعى ماقسات – ولاردىڭ دا ٸس-تەجٸريبەلەرٸن, شەبەرلٸكتەرٸن كٶرە وتىرىپ, تەاتردى ەلەمدٸك دەڭگەيگە قاراي كٶتەرۋ», - دەدٸ تەاتردىڭ باس رەجيسسەرٸ سامال ەبۋوۆ.
