رەسەي سىرتقى ٸستەر مينيسترٸ سەرگەي لاۆروۆ "سيرييا بەيبٸت كٷنگە ورالۋدا, ەل اۋماعىندا جەكەلەگەن شيەلەنٸس وشاقتارى عانا ساقتالىپ وتىر" دەپ مەلٸمدەدٸ.
"سيريياداعى سوعىس شىنىمەن اياقتالدى. ەل بٸرتٸندەپ قالىپتى, بەيبٸت ٶمٸرگە ورالۋدا. جەكەلەگەن شيەلەنٸس وشاقتارى سيرييا ٷكٸمەتٸنٸڭ باقىلاۋىندا ەمەس, مىسالى, يدليب جەنە ەۆفرات ٶزەنٸنٸڭ شىعىس جاعالاۋىندا عانا ساقتالىپ وتىر", - دەپ ريا نوۆوستي سەرگەي لاۆروۆتىڭ سٶزٸنەن ٷزٸندٸ كەلتٸردٸ.
ول قازٸرگٸ جاعدايدا بٸرٸنشٸ كەزەكتە سيريياعا گۋمانيتارلىق كٶمەك كٶرسەتۋ جەنە "داعدارىستى شەشۋگە ارنالعان ساياسي پروتسەستٸ ٸلگەرٸلەتۋ" قاجەت ەكەنٸن اتاپ ٶتتٸ.
ول رەسەي سيرييا جاقتاستارىمەن, ونىڭ ٸشٸندە وپپوزيتسييامەن تۇراقتى بايلانىستاردى قولداۋعا ەرەكشە نازار اۋداراتىنىن, سونداي-اق سيرييا قوعامىنىڭ بارلىق توبىن ساياسي پروتسەسكە قاتىسۋعا شاقىراتىنىن مەلٸمدەدٸ.
"جالپى, رەسەي سيرييانىڭ ەگەمەندٸگٸن, اۋماقتىق تۇتاستىعىن قالپىنا كەلتٸرۋدٸ, كەڭ ەتەك العان تەرروريزمنٸڭ زارداپتارىن تەز ارادا جويۋدى, بارلىق سيرييالىقتىڭ وتانىنا جەنە ەلدٸڭ ٶزٸ "اراب وتباسىنا" ورالۋىن قولدايدى, بۇل تاياۋ شىعىستاعى قاۋٸپسٸزدٸك پەن تۇراقتىلىققا كەپٸلدٸك بەرەدٸ", - دەدٸ لاۆروۆ.
سيريياداعى قارۋلى قاقتىعىس
رەسپۋبليكادا سوعىس 2011 جىلدان بەرٸ جالعاسىپ جاتىر. 2015 جىلدىڭ تامىزىندا پرەزيدەنت باشار اساد رەسەيدەن ەسكەري كٶمەك كٶرسەتۋدٸ سۇرادى. سول جىلدىڭ 30 قىركٷيەگٸنەن باستاپ رەسەي ەۋە كٷشتەرٸ تەرروريستەردٸڭ ينفراقۇرىلىمىنا ەۋە شابۋىلدارىن جاسادى.
2017 جىلدىڭ سوڭىندا "يسلام مەملەكەتٸ"* جەڭٸلٸس تاپقانى جارييالاندى. قازٸر ساياسي رەتتەۋ, ەلدٸ قالپىنا كەلتٸرۋ جەنە بوسقىنداردى ورالتۋ باستى نازارعا الىندى.
* قازاقستاندا تىيىم سالىنعا تەرروريستٸك ۇيىم
