سيرييا پرەزيدەنتٸ باشار اسادتىڭ تۋىستارى "موسكۆا سيتي" اۋماعىنداعى تۇرعىن ٷي كەشەنٸنەن كەم دەگەندە 20 اپارتامەنت ساتىپ العان. مۇنداي اقپاراتتى ٷكٸمەتتٸك ەمەس Global Witness جەمقورلىقپەن كٷرەس ۇيىمىنان الىنعان قۇجاتقا سٸلتەي وتىرىپ, Financial Times گازەتٸ تاراتتى. سيرييا پرەزيدەنتٸ تۋىستارىنىڭ مەسكەۋدەگٸ جىلجىمايتىن مٷلكٸ 40 ميلليون دوللارعا باعالانادى.
قۇجاتتارعا قاراعاندا, باشار اسادتىڭ جاقىن تۋىستارى 2013 جىلدان باستاپ مەسكەۋدەن جىلجىمايتىن مٷلٸك ساتىپ الا باستاعان. مەسكەۋدە قىمبات ٷيلەرٸ بار اساد تۋىستارىنىڭ بارلىعى حالىقارالىق سانكتسييا سالىنعاندار تٸزٸمٸندە تۇر.
ولار جىلجىمايتىن مٷلٸك ساتىپ الۋ ٷشٸن, نەگٸزٸنەن وفشور كومپانييالاردى پايدالانعان. Global Witness اقپاراتىنا قاراعاندا, اساد تۋىسىنا تيەسٸلٸ رەسەي كومپانييالارىنىڭ بٸرٸنە سبەربانك قىزمەت كٶرسەتكەن. بۇل - رەسەي بانكتەرٸنٸڭ سيريياداعى اساد رەجيمٸن قولداۋعا باعىتتالعان اۋقىمدى سحەماسىنىڭ بٸر بٶلٸگٸ. 2012 جەنە 2013 جىلدارى Reuters پەن Wall Street Journal اساد رەجيمٸنٸڭ رەسەيدٸڭ گازپرومبانك پەن ۆتب بانكٸندە شوتى بار ەكەنٸن جازعان بولاتىن.
Global Witness ٶكٸلٸنٸڭ ويىنشا, جىلجىمايتىن مٷلٸك ساۋداسى سيريياداعى سوعىس كەزٸندە مەسكەۋدە تۇرىپ, سەن-سالتاناتپەن ٶمٸر سٷرٸپ جاتقان سيرييا رەجيمٸ ٶكٸلدەرٸنە رەسەيدٸڭ قالاي قولداۋ كٶرسەتەتٸنە سيرەك دەلەلدەردٸڭ بٸرٸ.
باتىس "ادام قۇقىعىن بۇزدى, قانتٶگٸس جاسادى" دەپ ايىپتايتىن اسادتى رەسەي قولدايدى. 2015 جىلدان رەسەي سيريياداعى جانجال بارىسىندا اساد كٷشتەرٸنە قارۋلى قولداۋ كٶرسەتٸپ كەلەدٸ.
