قازاقستاننىڭ ارقاسىندا تالاي سيرييالىقتىڭ ٶمٸرٸ ساقتالدى. بۇل تۋرالى بٷگٸن استانا پروتسەسٸ 6-شى راۋندىنىڭ قورىتىندىسىنا وراي ٶتكەن بريفينگتە كەلٸسسٶزدەر جٶنٸندەگٸ سيرييالىق جوعارى كوميتەتتٸڭ كەڭەسشٸسٸ ياحيا ال-اريدي ايتتى, دەپ حابارلايدى قازاقپارات.
«قازاقستانعا بٸزدٸ قابىلداعانى ٷشٸن, شيەلەنٸستٸڭ باسىلۋ پروتسەسٸنە زور ٷلەس قوسىپ, جاعداي ۋشىققان ايماقتىڭ ٶمٸرٸن ساقتاعانى ٷشٸن العىسىمدى بٸلدٸرەمٸن. ول 7 جىلعا سوزىلعان سوعىستى توقتاتۋ ٷشٸن سيرييادا بٸتٸمنٸڭ, تىنىشتىقتىڭ ورناۋىنا قول جەتكٸزۋگە ۇمتىلۋدا», - دەدٸ ول.
سونىمەن قاتار ەلوردادا ەكٸ كٷنگە سوزىلعان كەزدەسۋلەردە قانداي جايتتار كٶتەرٸلگەندٸگٸن دە ايتتى.
«بۇل راۋندتىڭ اياسىندا ەكٸ ماڭىزدى مەسەلە كٶتەرٸلدٸ. ەڭ بٸرٸنشٸسٸ يدليب ٶلكەسٸندەگٸ پروبلەما جەنە ونى باسقا دا دەەسكالاتسييا ايماعىنا قوسۋ بولدى. كەلەسٸ بٸر مەسەلە تٷرمەدەگٸ تۇتقىندار جايى بولدى. كەيبٸرەۋلەر ولاردى «تٸرٸدەي كٶمٸلگەندەر» دەپ تە ايتادى. ول جاقتا ونداعان مىڭ ادام بار. ولاردىڭ مىڭداعانى زورلىق-زومبىلىقپەن ٶلتٸرٸلدٸ. ٶكٸنٸشكە وراي كەپٸلگەرلەر تارابىنان رەجٸم الدىندا بۇل مەسەلەنٸ كٶتەرۋگە باتىلدىق جەتٸسپەدٸ», - دەدٸ ياحيا ال-اريدي.
بۇعان دەيٸن حابارلاعانىمىزداي, 6-شى راۋند نەتيجەسٸندە دەسكالاتسييا ايماعىنىڭ شىعىس گۋتتا, حومس ٶلكەسٸ سولتٷستٸگٸنٸڭ بەلگٸلٸ بٸر بٶلٸكتەرٸندە, يدليب ٶلكەسٸندە جەنە كٶرشٸلەس ٶلكەلەردەگٸ جەكەلەگەن اۋدانداردا 4 قاۋٸپسٸز ايماق قۇرىلعان ەدٸ.
