مەجٸلٸس تٶراعاسى نۇرلان نىعماتۋلين ەلەۋمەتتٸك نىسانداردى تەرروريزمگە قارسى قورعاۋ جۇمىسىن ۇيىمداستىرا الماي وتىرعان ٷكٸمەتكە شٷيلٸكتٸ, دەپ حابارلايدى Sputnik قازاقستان تٸلشٸسٸ.
بٷگٸن مەجٸلٸستٸڭ جالپى وتىرىسىندا كەيبٸر زاڭنامالىق اكتٸلەرگە قىلمىستىق جولمەن الىنعان كٸرٸستەردٸ زاڭداستىرۋعا جەنە تەرروريزمدٸ قارجىلاندىرۋعا قارسى ٸس-قيمىل مەسەلەلەرٸ بويىنشا ٶزگەرٸستەر ەنگٸزۋ تۋرالى زاڭ جوباسى قارالدى. وتىرىس بارىسىندا مەجٸلٸس سپيكەرٸ نۇرلان نىعماتۋلين تەرروريستٸك تۇرعىدان وسال نىسانداردىڭ جاي-كٷيٸن قوزعادى.
وسى تۇستا ول ۇلتتىق قاۋٸپسٸزدٸك كوميتەتٸنە قاراستى انتيتەرروريستٸك ورتالىقتىڭ دەرەكتەرٸن كەلتٸردٸ. وعان سەيكەس, ەلٸمٸزدە 10 مىڭ نىساننىڭ 35 پروتسەنتٸ, ياعني 3,5 مىڭ وبەكتٸسٸ تەرروريزمگە قارسى قورعالماعان. ولار مەدەنيەت پەن بٸلٸم بەرۋ ۇيىمدارى.
"وعان اقشانىڭ جەتپەۋٸ سەبەپ ەكەن. تاعى بٸر مەرتە قايتالاپ ايتامىن, بۇل انتيتەرروريستٸك ورتالىقتىڭ دەرەكتەرٸ", - دەدٸ سپيكەر.
نىعماتۋليننٸڭ بۇل ۋەجٸنە ورتالىق شتابى باستىعىنىڭ ورىنباسارى گەرمان ديدەنكو جاۋاپ بەردٸ. ايتۋىنشا, قازٸر رەسپۋبليكادا 17 مىڭعا جۋىق نىسان بار جەنە ولاردىڭ مەنشٸك فورماسى ەرتٷرلٸ. ولاردىڭ اراسىندا ورتالىق اپپاراتتىڭ دا, جەرگٸلٸكتٸ دەڭگەيدە جەنە جەكەمەنشٸك يەلٸكتەگٸ تەرروريستٸك تۇرعىدان وسال وبەكتٸلەرٸ بار.
"سٸز سٶز ەتٸپ وتىرعان نىساندارعا قارجى بٶلۋدٸ باقىلاۋ, ونىڭ جۇمسالۋىن قاداعالاۋ مەسەلەسٸنە توقتالساق. ەكٸمدٸكتەردٸڭ جانىندا انتيتەرروريستٸك كوميسسييا جۇمىس ٸستەيدٸ, ونى وبلىس ەكٸمٸ باسقارادى. ولار توقسان سايىن وتىرىسقا جينالىپ, وسى مەسەلەلەردٸ قاراستىرادى. ۇسىنىستار ەزٸرلەنٸپ, ٸشكٸ ٸستەر مينيسترلٸگٸ تاراپىنان كەشەندٸ تەكسەرٸس جٷرگٸزٸلەدٸ. جىل سايىن ەر نىسان تەكسەرٸلٸپ, ۇسىنىستار دايىندالىپ, كوميسسييا وتىرىسىنا شىعارىلادى. ال سودان كەيٸن قارجىلاندىرۋ مەسەلەسٸ كٶتەرٸلەدٸ", - دەپ تٷسٸندٸردٸ ول.
ديدەنكو اقشا ەركٸمگە بٸردەي بٶلٸنبەيتٸنٸن ايتتى.
"گەرمان ۆلاديميروۆيچ, بٸز دە وسىنى ايتىپ وتىرمىز. بٸزدە دەل وسىنداي رەسپۋبليكالىق كوميسسييا بار. سٸزدەر وتىرىس ٶتكٸزگەن كەزدە, بۇل مەلٸمەتتەردٸ ٷكٸمەتكە بەرەسٸزدەر. ەليحان اسحانۇلى, دەل وسى مەسەلەگە سٸز قارجى مينيسترٸ رەتٸندە ەمەس, بٸرٸنشٸ ۆيتسە-پرەمەر رەتٸندە ارالاسۋىڭىز كەرەك. ەكٸمدٸكتەر ٷكٸمەتتەن بٶلەك ەمەس قوي, ەسٸرەسە قارجىلاندىرۋ مەسەلەسٸندە. ەرٸپتەستەرمەن جينالىپ, ولارعا مەكتەپتەردٸڭ تەرروريزمگە قارسى قورعالماعانىن ايتۋ كەرەك. ال نىسانداردىڭ كٸمگە تيەسٸلٸ ەكەنٸ بۇل ەكٸنشٸ ورىنداعى مەسەلە. ەرتەڭ ول عيمارات وپىرىلىپ قۇلاعاندا, بٸزگە ونىڭ كٸمنٸڭ مەنشٸگٸندە بولعانى بەرٸبٸر بولادى", - دەپ اشۋلاندى نىعماتۋلين.
مەجٸلٸس سپيكەرٸ ٷكٸمەتكە بٸر توقتامعا كەلۋگە كەڭەس بەردٸ.
"اقشا بار. ەگەر دە جەرگٸلٸكتٸ نەمەسە ورتالىق مەملەكەتتٸك ورگاننىڭ قانداي دا بٸر باسشىسى جاۋاپكەرشٸلٸكتٸ سەزٸنبەسە, وندا ٷكٸمەت ونى شاقىرىپ, بٸر "سٸلكٸلەپ" السىن. مەكتەپتەگٸ بالالاردىڭ, حالىق كٶپ جينالاتىن ورىنداردا ازاماتتاردىڭ قاۋٸپسٸزدٸگٸن قامتاماسىز ەتۋ – بٸزدٸڭ مٸندەتٸمٸز. بيلٸك دەگەنٸمٸز سٸز بەن بٸز. بۇل نە دەگەن بەيقامدىق?", - دەدٸ تٶمەنگٸ پالاتا تٶراعاسى.
نىعماتۋلين بٸرٸنشٸ ۆيتسە-پرەمەر ەليحان سمايىلوۆقا ٷكٸمەتكە تەرروريستٸك تۇرعىدان وسال ەلەۋمەتتٸك نىسانداردىڭ مەسەلەسٸن نازاردا ۇستاۋدى تاپسىردى.
"ۇسىنىستار بار, ولار حالىقارالىق تالاپتارعا ساي كەلەدٸ. قارجىلاندىرۋ جاعىنان بٸز سٸزدەردٸ قولدايمىز. بٸراق ٷكٸمەت تاراپىنان بۇل جۇمىستى ۇيىمداستىرۋ جاعى اقساپ تۇر. بٸلٸم مەن مەدەنيەتتٸڭ 3,5 مىڭ نىسانى تالاپقا ساي ەمەس دەگەن مەسەلە كٷن تەرتٸبٸندە تۇرماۋى تيٸس. مۇنداي نىساندار مٷلدە بولماۋى كەرەك", - دەپ قاداپ ايتتى مەجٸلٸس سپيكەرٸ.
سمايىلوۆ مەكتەپتەردە ەڭ باستىسى بەينەكامەرا ورناتۋ قاجەت ەكەنٸن اتاپ ٶتتٸ. بۇدان بٶلەك, تيٸستٸ وفيتسەر وتىرۋى كەرەك.
"قازٸر ٷكٸمەت تەرروريزمگە جەنە دٸني ەكسترەميزمگە قارسى جۇمىستاردىڭ ماڭىزدىلىعىن ەسكەرە وتىرىپ, بەس جىلعا تيٸستٸ باعدارلاما قابىلدادى. باعدارلامانى قارجىلاندىرۋ جاعى دا شەشٸلدٸ. ونىڭ اياسىندا تەرروريزمگە قارسى ٸس قيمىلدى ٸسكە اسىرۋ قاراستىرىلعان. بيىل سول باعدارلامانى جٷزەگە اسىرۋ ٷشٸن 58 ميلليارد تەڭگە بٶلٸپ وتىرمىز. كەلەسٸ جىلى 26 ميلليارد تەڭگە, ەرٸ قاراي جىل سايىن 36 ميلليارد تەڭگە بٶلەمٸز", - دەدٸ قارجى مينيسترٸ مەجٸلٸس كۋلۋارىندا.
بۇدان بٶلەك, ونىڭ ايتۋىنشا, جەرگٸلٸكتٸ اتقارۋشى ورگاندار ٶز بيۋدجەتٸنەن جەرگٸلٸكتٸ نىساندارعا تەرروريزمگە قارسى كٷرەس ٷشٸن قوسىمشا قاراجات بٶلۋٸ كەرەك.
