سەرسەنبٸ كٷنٸ دجو بايدەن اقش پرەزيدەنتٸ قىزمەتٸنە كٸرٸسكەلٸ بەرٸ العاش رەت قىتاي باسشىسى سي تسزينپينمەن تەلەفون ارقىلى سٶيلەستٸ. اق ٷيدٸڭ حابارلاۋىنشا, بايدەن قىتايداعى ادام قۇقىعى, اقش-پەن ساۋدا قاتىناسى, حالىقارالىق قاۋٸپسٸزدٸك جەنە كليماتتىڭ ٶزگەرۋٸ مەسەلەلەرٸن قوزعاعان, دەپ جازادى ازاتتىق.
بايدەن تەلەفون ەڭگٸمە بارىسىندا امەريكالىقتاردىڭ قاۋٸپسٸزدٸگٸ, امەريكالىق ٶمٸر سالتىن قورعاۋ جەنە ٷندٸ-تىنىق مۇحيتى ايماعىنىڭ "ەركٸن ەرٸ اشىق" قالۋى سيياقتى مەسەلەلەرگە باسىمدىق بەرەتٸنٸن اتاپ ٶتكەن. اقش پرەزيدەنتٸ "مەجبٷرلٸ, ەدٸلەتسٸز" ەكونوميكالىق ەدٸستەر مەن گونكونگتەگٸ نارازىلىقتىڭ باسىپ-جانشىلۋى, شىڭجاڭداعى ادام قۇقىعىنىڭ بۇزىلۋى مەسەلەلەرٸنە قاتتى الاڭدايتىنىن جەتكٸزگەن. بۇعان قوسا, "امەريكانىڭ مٷددەسٸنە قاجەت بولعان جاعدايدا پەكينمەن جۇمىس ٸستەۋگە دايىن ەكەنٸن" بٸلدٸرگەن.
ەكٸ مەملەكەت باسشىسى سونىمەن بٸرگە كوروناۆيرۋس ٸندەتٸمەن كٷرەس, كليماتتىڭ ٶزگەرۋٸ, ادامداردى قىرىپ-جوياتىن قارۋ تٷرلەرٸنٸڭ تارالۋى مەسەلەلەرٸ تٶڭٸرەگٸندە پٸكٸر الماسقان.
قىتايمەن قارىم-قاتىناستى ايقىنداۋ دجو بايدەن ەكٸمشٸلٸگٸنٸڭ العاشقى اپتالاردا باسىمدىق بەرگەن مەسەلەلەرٸنٸڭ بٸرٸ بولعان. سەرسەنبٸ كٷنٸ پەنتاگونعا امەريكانىڭ قىتايمەن قاتىناس ستراتەگيياسىن ساراپتاۋ تۋرالى تاپسىرما بەرٸلگەن. پرەزيدەنت كەڭەسشٸلەرٸ سونىمەن بٸرگە قىتايمەن ەكونوميكالىق جەنە ساۋدا قاتىناسىن جانداندىرۋ مەسەلەسٸمەن دە اينالىسىپ جاتىر. دەگەنمەن بايدەن ەكٸمشٸلٸگٸ ەزٸرگە ترامپ ەكٸمشٸلٸگٸ ەنگٸزگەن ساۋدا تاريفتەرٸنٸڭ كٷشٸن جويۋدى جوسپارلاپ وتىرعان جوق.
دجو بايدەننٸڭ سٶزٸنە قاراعاندا, قىتايعا قاتىستى تيٸمدٸ ساياسات جٷرگٸزۋ ٷشٸن ٷكٸمەتتٸڭ تالپىنىسى, كونگرەسس قولداۋى جەنە جٷيەلٸ وداقتاستار كەرەك.
"تەك سولاي عانا قىتاي تۋعىزعان مەسەلەلەرگە تٶتەپ بەرەمٸز جەنە الداعى بەسەكەدە امەريكانىڭ جەڭۋٸن قامتاماسىز ەتە الامىز" دەدٸ بايدەن پەنتاگوندا.
