اقوردادا قر پرەزيدەنتٸ نۇرسۇلتان نازارباەۆ پەن قحر تٶراعاسى سي تسزينپين شاعىن قۇرامدا كەلٸسسٶز ٶتكٸزۋدە, دەپ حابارلايدى قازاقپارات.
كەلٸسسٶز بارىسىندا قازاقستان پرەزيدەنتٸ قىتاي تٶراعاسىمەن اعىمداعى جىلدىڭ ٸشٸندە ٷشٸنشٸ مەرتە كەزدەسٸپ وتىرعاندىعىن, بۇل ەكٸ ەلدٸڭ اراسىنداعى ىنتىماقتاستىقتىڭ بارىنشا جوعارى ەكەندٸگٸن بٸلدٸرەتٸندٸگٸن باسا ايتتى.
«بٸزدٸڭ كەزدەسۋلەرٸمٸز, سەنٸمگە تولى بايلانىسىمىز ٷكٸمەتتەرٸمٸز, مينيسترلٸكتەرٸمٸز بەن ۆەدومستۆولارىمىز اراسىنداعى قارىم-قاتىناستىڭ بارلىق سپەكتورلارىنا ىقپال ەتٸپ, كٶمەكتەسەدٸ. ەگەر قىسقاشا قورىتىندى شىعارار بولساق, قازاقستان مەن قىتاي قارىم-قاتىناسى - بۇل ٷلگٸ بولارلىق مەملەكەتارالىق قارىم-قاتىناس. بٸزدە شەشٸلمەگەن مەسەلە جوق. تۋىندايتىن كەز كەلگەن مەسەلە شەشٸلەدٸ», - دەدٸ نۇرسۇلتان نازارباەۆ.
مەملەكەت باسشىسى قىتايدىڭ تٸكەلەي شەتەل ينۆەستيتسيياسى, بٶلٸنگەن كرەديتتەر جەنە بٸرلەسكەن كەسٸپورىندار بويىنشا قازاقستان ەكونوميكاسىنىڭ نەگٸزگٸ سەرٸكتەسٸ بولىپ وتىرعاندىعىن اتاپ ٶتتٸ. ەنەرگەتيكالىق ىنتىماقتاستىق مەسەلەلەرٸ تولىقتاي ٶز شەشٸمٸن تاپقاندىعىن ەسكە سالدى.
«بٸزدٸڭ ارامىزدا بارلىق دەڭگەيدەگٸ جىلى ەرٸ تىعىز بايلانىستار قىتايلىق-قازاقستاندىق قارىم-قاتىناستىڭ ستراتەگييالىق سيپاتىن پاش ەتەدٸ بٸز مەملەكەتتەر اراسىنداعى قارىم-قاتىناستىڭ ٷلگٸسٸ بولامىز دەسەك تە بولادى. بايلانىستارىمىز بارىنشا تىعىز. مەنٸڭ وسى جولعى ساپارىمدى تاماشا ۇيىمداستىرعانىڭىز ٷشٸن ريزاشىلىعىمدى بٸلدٸرەمٸن. مەن بەيجٸڭ سارايى قوناق ٷيٸنە ورنالاسىپ, ٶزٸمدٸ ٷيٸمدەگٸدەي سەزٸنۋدەمٸن», - دەدٸ ٶز كەزەگٸندە قىتاي تٶراعاسى قازاقستان پرەزيدەنتٸنە قاراتا.
ايتا كەتەرلٸگٸ, قحر تٶراعاسى قازاقستانعا وسىمەن ٷشٸنشٸ رەت رەسمي ساپارمەن كەلٸپ وتىر. ساپار اياسىندا ول ەرتەڭ شىۇ سامميتٸنە, سونىمەن قاتار ەكسپو-2017 حالىقارالىق مامانداندىرىلعان كٶرمەسٸنٸڭ رەسمي اشىلۋ سالتاناتىنا قاتىساتىن بولادى.
