شىمكەنت قالاسىنىڭ جاڭا ەكٸمٸ ەرلان ايتاحانوۆ العاشقى جۇمىس ساپارىن قالانىڭ شەتٸندە ورنالاسقان شاعىن اۋدانداردىڭ تۇرعىندارىمەن كەزدەسۋدەن باستادى, دەپ حابارلادى شىمكەنت قالاسى ەكٸمٸنٸڭ باسپاسٶز قىزمەتٸ.
ەكٸم قاراتاۋ اۋدانىنىڭ يسفيدجاب تۇرعىن الابىنا ارنايى كەلٸپ, اۋىز سۋ جەنە ەلەكتر قۋاتىمەن قامتۋ مەسەلەسٸن تۇرعىندارمەن بٸرگە تالقىلادى. قالا باسشىسى اۋىز سۋ مەسەلەسٸن جٷيەلٸ تٷردە شەشۋ بويىنشا سالا باسشىلارىنا ناقتى تاپسىرمالار بەردٸ.
"ە.ايتاحانوۆ ساپار بارىسىندا سايرام تۇرعىن الابىنا بارىپ, ونداعى ينفراقۇرىلىم جٷيەسٸمەن تانىستى. بۇدان بٶلەك, قالا ەكٸمٸ جەرگٸلٸكتٸ حالىقپەن كەزدەسٸپ, ەكٸ ساعاتتان استام ۋاقىت تۇرعىندارمەن ٶزەكتٸ مەسەلەلەردٸ تالقىلادى", - دەپ جازىلعان حابارلامادا.
تۇرعىنداردى تولعاندىرىپ وتىرعان باستى مەسەلە اۋىز سۋ مەن ساپالى ەلەكتر ەنەرگيياسى بولىپ وتىر.
كەزدەسۋ بارىسىندا قالا باسشىسى نەگٸزگٸ جۇمىس حالىقتىڭ ٶمٸر ساپاسى مەن ەل-اۋقاتىن ارتتىرۋعا باعىتتالاتىنىن ايتىپ, كٶتەرٸلگەن مەسەلەلەردٸ رەت-رەتٸمەن شەشۋ مٸندەتٸ تۇرعانىن جەتكٸزدٸ.
"ٶزدەرٸڭٸزگە مەلٸم, شىمكەنت قالاسىنىڭ ەلەۋمەتتٸك-ەكونوميكالىق دامۋىنا مەملەكەت باسشىسى قاسىم-جومارت توقاەۆتىڭ ٶزٸ ايرىقشا نازار اۋدارىپ وتىر. حالىقتىڭ تۇرمىسىن جاقسارتۋ بويىنشا ناقتى تاپسىرمالار بەردٸ. مەنٸڭ باستى ماقساتىم –شالعايدا ورنالاسقان ەلدٸ مەكەندەردٸڭ تۇرعىندارىنا قولايلى جاعداي جاساۋ", - دەدٸ ە.ايتاحانوۆ.
ياعني, قالا باسشىسى شىمكەنتتٸ مەگاپوليس مەرتەبەسٸنە لايىقتى ەتۋ ٷشٸن شالعايداعى شاعىن اۋدانداردىڭ ينفراقۇرىلىمىن دامىتۋدى بٸرٸنشٸ ورىنعا قويىپ وتىر. وسىلايشا ول حالىق پەن بيلٸك اراسىن جاقىنداتۋ نيەتٸن جەتكٸزدٸ.
