وڭتٷستٸك قازاقستان وبلىسىنان «دوستىق كەرۋەنٸ» ٶزبەكستان رەسپۋبليكاسىنا جولعا شىقتى. بۇل ٸسساپار ٶزبەكستان رەسپۋبليكاسى پرەزيدەنتٸ شاۆكات ميرزييوەۆتٸڭ ناۋرىز ايىندا قازاقستانعا جاساعان رەسمي ساپارى كەزٸندە قازاقستان حالقى اسسامبلەياسى مەن ٶزبەكستان رەسپۋبليكاسى ينتەرناتسيونالدىق مەدەني ورتالىعىنىڭ اراسىنداعى ىنتىماقتاستىق تۋرالى مەموراندۋم اياسىندا ٸسكە اسىرىلىپ وتىر.
مەموراندۋمدا قوعامدىق-ساياسي, مەدەني-بٸلٸم بەرۋ, عىلىمي جەنە اقپاراتتىق سالالارداعى ىنتىماقتاستىق, ەكٸ ەل حالىقتارىنىڭ جاقىنداسۋىنا, حالىقتىق ديپلوماتييانىڭ نىعايۋى مەن دامۋىنا ىقپال ەتەتٸن بٸرلەسكەن جوبالار مەن ٸس-شارالاردى ەزٸرلەۋ جەنە ٸسكە اسىرۋ جوسپارلانعان بولاتىن.
«قازاقستان حالقى اسسامبلەياسى» عيماراتى الدىنان جولعا شىققان كەرۋەندٸ شىعارىپ سالۋ رەسٸمٸندە وبلىستىق «قوعامدىق كەلٸسٸم» مكك باسشىسى ەربول بايقوناقوۆ, تٷركٸستان قالالىق اقساقالدار القاسىنىڭ تٶراعاسى جارىلقاسىن ەزٸرەتبەرگەنوۆ, وبلىستىق ٶزبەك ەتنومەدەني بٸرلەستٸگٸنٸڭ تٶراعاسى, وبلىستىق مەسليحاتتىڭ دەپۋتاتى بادريددين نيشانكۋلوۆ سٶز سٶيلەپ, بۇل شارا ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىنا قولداۋ ەرٸ, ەكٸ باۋىرلاس ەلدەر اراسىنداعى دوستىق قارىم-قاتىناستى نىعايتۋ ماقساتىندا ۇيىمداستىرىلىپ وتىرعانىن ايتتى.
ٶزبەكستانعا بەت العان 50 اقساقال 2-6 مامىر ارالىعىندا تاشكەنتتەگٸ تٶلە بي بابامىزدىڭ مازاراتىنا زييارات ەتٸپ, ەرٸ قاراي سامارقاندتاعى ەمٸر تەمٸر جەنە جالاڭتٶس باھادٷردٸڭ, بۇحاراداعى باحاۋددين ناكشبانديدٸڭ كەسەنەسٸمەن تانىسپاق.
سونىمەن قاتار, «دوستىق كەرۋەنٸنٸڭ» مٷشەلەرٸ ٶزبەكستان رەسپۋبليكاسى ينتەرناتسيونالدىق مەدەني ورتالىعىندا, ٶزبەكستانداعى قازاق مەدەني ورتالىعىندا جەنە ٶزگە دە تاريحي-مەدەني ورتالىقتارىندا بولىپ, سول ەلدٸڭ ازاماتتارىمەن كەزدەسۋلەر جوسپارلانۋدا.
